U čaćvier Nacyjanalnaja biblijateka pieratvaryłasia ŭ vialikuju kinaplacoŭku. Tut pačalisia zdymki novaha filma pad pracoŭnaj nazvaj «Čorny zamak». Histaryčny błokbastar rychtujuć pa matyvach adnajmiennaha ramana Uładzimira Karatkieviča, paviedamlaje STB.
«Da hetaj idei my daŭno padstupalisia, razhladali roznyja scenary našych kłasikaŭ, razhladali, što moža być cikava, jak moža być prapanavana hledaču. I ŭrešcie prapanova Hleba Špryhava, našaha partniora, jon ža i aŭtar scenara. U vyniku pieramoŭ my pryjšli da mierkavańnia, što hety prajekt sapraŭdy budzie cikavy hledaču, vielmi važny dla našaj krainy i maje aktualnaść i ciapier», — kaža hiendyrektar «Biełaruśfilma» Uładzimir Karčeŭski.
U centry siužetu — małady prafiesar Anton Kośmič, jaki niečakanym čynam byŭ uciahnuty ŭ vir detektyŭna-mistyčnych padziej XVII stahodździa. Jamu treba budzie razhadać tajamnicu minułych tysiačahodździaŭ. Častka padziej filma pieraniesiena ŭ ciapierašnija realii.
Aŭtar scenara Hleb Špryhaŭ raskazvaje nastupnaje:
«Atrymałasia, mnie zdajecca, zrabić viersiju, u jakoj tyja piać časavych płastoŭ, jakija isnujuć u scenary, źviedzieny da dvuch. I adzin ź ich — heta naš čas. Tamu što mnie padałosia, što sama kniha nie stareje, jana dosyć sučasnaja. I mnie było cikava ŭbačyć heta ŭ našych realijach, z našymi hierojami, z maładymi ludźmi. I druhaja zadača — toje, što my pieršapačatkova chacieli zrabić kino dla kinateatralnaha prakatu, a heta aznačaje, što hałoŭnaja aŭdytoryja tam ad 12 da 35 hadoŭ. I, viadoma, hetym ludziam cikava hladzieć pra siabie».
Na «Biełaruśfilmie» ŭžo zdymali karcinu pavodle ramana Karatkieviča. Histaryčny detektyŭ vyjšaŭ na ekrany ŭ 1984 hodzie. Tady ŭsie naturnyja zdymki prajšli za miežami krainy.
Hetym razam zdymać buduć u Biełarusi. Maršrut pabudavany z troch dziasiatkaŭ łakacyj. U kadry pakažuć mnohija architekturnyja pomniki: kaścioł Śviatoj Vieraniki ŭ vioscy Sielišča, siadzibu Čapskich u Pryłukach, Mirski zamak.
Vychad filma zapłanavany na nastupny hod.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary