Aleksijevič, Łou, Kambierbetč, Pamuk, Roŭlinh i jašče bolš za 130 akcioraŭ, piśmieńnikaŭ i žurnalistaŭ zapatrabavali vyzvaleńnia Navalnaha
Bolš za 130 akcioraŭ, piśmieńnikaŭ, hramadskich dziejačaŭ i žurnalistaŭ napisali adkryty list Pucinu, u jakim zapatrabavali vyzvaleńnia Alaksieja Navalnaha. Siarod padpisantaŭ lista — piśmieńniki Śviatłana Aleksijevič, Archan Pamuk, Marharet Etvud, Džoan Roŭlinh, akciory Džud Łou, Bieniedykt Kambierbetč, Devid Duchoŭny, tancoŭščyk Michaił Baryšnikaŭ, śpiavak Tom Jork i mnohija inšyja. «Doždž» publikuje tekst hetaha lista (poŭny śpis padpisantaŭ možna pahladzieć tut).
«Prezidentu Pucinu
My pišam, i vam heta dobra viadoma, što Alaksiej Navalny ŭtrymlivajecca ŭ VK-6, adnoj z samych surovych kałonij u vašaj krainie. Jaho pastajanna źmiaščajuć u adzinočnaje źniavoleńnie i adpraŭlajuć u bietonnuju kamieru pamieram z sabačuju budku bieź vientylacyi.
Jamu zabaronienyja spatkańni sa svajakami i telefonnyja zvanki, jak i sustrečy z advakatami. Niahledziačy na vysokuju tempieraturu, jon vymušany stajać uvieś dzień.
My dałučajemsia da hałasoŭ 600 rasijskich daktaroŭ, jakija zapatrabavali terminovaj i niezaležnaj miedycynskaj dapamohi dla Navalnaha. Jašče 100 rasijskich jurystaŭ i 100 deputataŭ taksama zapatrabavali spynić katavańni nad Navalnym i dać jamu miedycynskuju dapamohu.
Navalny adbyvaje turemnaje źniavoleńnie pa abvinavačvańniach, jakija nikoli nie byli b pryniatyja nivodnaj niezaležnaj pravavoj sistemaj.
My padtrymlivajem zaklik urada Hiermanii, uładaŭ ZŠA i Jeŭrasajuza z patrabavańniem jaho nieadkładnaha vyzvaleńnia. Heta ŭ vašaj uładzie», — havorycca ŭ liście.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady1
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary