«Paśla 2020-ha tak umiejuć tolki biełarusy». Ivulin padzialiŭsia kranalnaj historyjaj
Alaksandr Ivulin u Instagram raspavioŭ kranalnuju historyju vypadkovaj sustrečy ŭ Varšavie.
«Biełarus biełarusu biełarus.
Adpraviŭsia na śniadanak. Za hadzinu ŭ kaviarni sustreŭ ź dziasiatak ziemlakoŭ. Kožny/kožnaja ŭśmichajecca tak, jak umiejuć tolki biełarusy. Kali što, ja lublu smoł-toki, ale adzin ź siońniašnich vybiŭ nievierahodnuju emocyju.
— Dziakuj za toje, jak vy tam trymalisia. Darečy, znajomciesia, — nieznajomaja łedzi pradstaŭlaje svaju spadarožnicu. — U jaje taksama brat siadzić.
Proźvišča dziaŭčyny zdajecca nievierahodna znajomym. Pierapytvaju. Nie, nie padałosia. Praź siekundu ŭžo ja nazyvaju imia jaje brata. Akazvajecca, my, jak kažuć na zonie, «išli pa etapie» i «byli ŭ blizkich».
Vychodzić, my zavočna znajomyja z hetaj siastroj. I ź dziaŭčynaj hetaha chłopca. I ź jaho baćkami. Škada, abniacca na voli jany zmohuć jašče niachutka.
Šok i ździŭleńnie. Vočy novaj znajomaj (vielmi padobnaja da brata) tut ža stanoviacca mokrymi. Jaje ruki pačynajuć treścisia. Abdymki, paśla jakich vypadkovy minak adrazu stanovicca amal rodnym.
Zdajecca, paśla 2020-ha tak umiejuć tolki biełarusy», — napisaŭ Ivulin.
Aŭtar kanała «ČiestnOK» i futbalist «Krumkačoŭ» znachodziŭsia za kratami z 3 červienia 2021-ha. 19 studzienia 2022-ha sud daŭ Ivulinu dva hady kałonii za ŭdzieł u mirnych pratestach. Jon poŭnaściu adbyŭ termin i vyjšaŭ na volu 17 lutaha.
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja7
Kamientary