U Minsku nie chapaje bolš za 1800 miedsiaścior i bolš za 700 kucharaŭ
Pa stanie na 1 krasavika roznym arhanizacyjam Minska patrabavałasia 27,1 tys. rabotnikaŭ, paviedamlajecca na sajcie Kamiteta pa pracy, zaniataści i sacyjalnaj abaronie Minharvykankama. Ź ich 60% vakansij (16,2 tys.) — dla pracaŭładkavańnia rabočych.
U top samych zapatrabavanych rabočych prafiesij uvachodziać kuchar (704 vakansii), kiroŭca aŭtamabila (604), pradaviec (534), elektramancior pa ramoncie i absłuhoŭvańni elektraabstalavańnia (506), ślesar miechanazboračnych rabot (476), ślesar-ramontnik (468), tokar (400), kantralor-kasir (384), rabočy pa kompleksnym absłuhoŭvańni i ramoncie budynkaŭ i zbudavańniaŭ (369), malar (263).
Sa słužačych bolš za ŭsio nie chapaje miedycynskich siaścior (1853 vakansii), lekaraŭ-śpiecyjalistaŭ (1564), inžynieraŭ (944), fielčaraŭ (299), vychavalnikaŭ (187), buchhałtaraŭ (149), ekanamistaŭ (105), biblijatekaraŭ (90), inžynieraŭ-prahramistaŭ (88), mieniedžaraŭ (81).
Adznačajecca, što za pieršyja try miesiacy hoda ŭ staličnuju słužbu zaniataści źviarnulisia 1066 minčukoŭ, ź jakich 654 čałavieki zarehistravanyja ŭ jakaści biespracoŭnych.
Usiaho ŭ pracaŭładkavańni mieli patrebu 1730 čałaviek, ź ich 1119 biespracoŭnych.
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary