Staršynia Biełstata zajaviła, što 88% biełarusaŭ zadavoleny svaim žyćciom
Pa vynikach vybaračnych abśledavańniaŭ chatnich haspadarak svaim žyćciom u Biełarusi zadavoleny 88 % čałaviek. Tak zajaviła ŭ efiry tok-šou «Ekanamičnaja sierada» staršynia Nacyjanalnaha statystyčnaha kamiteta Ina Miadźviedzieva.
«Pa ŭzroŭni zarabotnaj płaty Biełaruś zajmaje 2-je miesca ŭ SND (nas apiaredžvaje tolki Rasija), — zajaviła Ina Miadźviedzieva. — Što datyčyć zaniataści, to ŭ 2022 hodzie pa vynikach abśledavańnia my atrymali ličbu faktyčnaha biespracoŭja 3,6%. Heta samy nizki pakazčyk za ŭsiu historyju nazirańniaŭ».
U ramkach vybaračnych abśledavańniaŭ chatnich haspadarak Biełstat nibyta atrymaŭ infarmacyju ab tym, što svaim žyćciom u Respublicy Biełaruś zadavolena 88% čałaviek.
«Heta śviedčyć ab tym, što sacyjalnaja palityka siońnia atrymlivaje vodhuk i ŭ nasielnictva. 88 pracentaŭ — heta vialikaja ličba, jakaja jakraz śviedčyć ab tym, što pryniatyja miery dajuć mahčymaść ludziam zabiaśpiečyć sabie dastojnuju zarabotnuju płatu, dastojnaje isnavańnie i dastojnuju rabotu», — zrabiła vysnovu staršynia Biełstata.
«Samaje hałoŭnaje ŭ hetym pakazčyku, — dapoŭniŭ jaje namieśnik kiraŭnika Administracyi Łukašenki Maksim Jermałovič, — što hramadzianie ličać hetuju zarabotnuju płatu spraviadlivaj. Zrazumieła, što ŭsie chočuć (i my taksama), kab zarpłata pastajanna rasła, kab jakaść našaha žyćcia palapšałasia. Ale spraviadlivaść u ahulnaj sistemie zarabotnaj płaty, uśviedamleńnie spraviadlivaj cany ŭłasnaj pracy — heta ŭžo vialikaje sacyjalnaje dasiahnieńnie i vialikaje dasiahnieńnie dla krainy».
Uzrovień małazabiaśpiečanaści nasielnictva ŭ 2022 hodzie, śćviardžaje Biełstat, upaŭ da 3,9%. «Faktyčna jon padaŭ u nas kožny hod. Heta značyć, jašče raz paćviardžaje tezis ab spraviadlivaj zarabotnaj płacie i piensijnych dachodach», — padsumavała Ina Miadźviedzieva.
Z 2020 hoda ŭ Biełarusi praciahvajucca masavyja palityčnyja represii, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo za simpatyi da Ukrainy.
Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ, adkinutyja navat samyja bazavyja normy zakonnaści i marali.
Biełstat faktyčna staŭ instrumientam manipulavańnia hramadskaj dumkaj.
Kamientary
Nabludajem popytku, obmanom i falsifikacijami BiełStata, rieprieśsijami, tierrorom tak nazyvajemych siłovych struktur, tak nazyvajemych sudov i po prikazu tak nazyvajemoho priezidienta łukašienko, zastaviť biełorusov povieriť v lehitimnosť, zakonnosť i poddieržku łukašienko nasielenijem.
BiełStat, nie zamoračivajaś,
88% nasielenija v vidie protivnikov łukašienko, vydajot za jeho storońnikov.