Hramadstva

U Mahilovie masava pamirajuć čajki. Što moža być pryčynaj? Jość niekalki viersij

Pamierłych i chvorych ptušak na bierahach Śviatoha voziera, jakoje ŭžo praciahły čas ličycca zonaj ekałahičnaha biedstva, uhledzieli haradžanie i zabili tryvohu. Na inšych vadajomach horada hibieli ptušak nie zaŭvažana.

Pamierłaja čajka na Śviatym voziery ŭ Mahilovie. Fota: mogilev.online

Sanitarna-epidemijałahičnyja słužby vyśviatlajuć pryčynu hibieli čajek, a kamunalniki źbirajuć ptušynyja cielcy dla ŭtylizacyi.

Isnujuć mierkavańni, što ptuški na voziery mruć ad epidemii «ptušynaha hrypu» dy zaraznaj chvaroby Ńjukasła, jakaja traŭmuje ŭnutranyja orhany, niervovuju i dychalnuju sistemy ptušak.

Chodziać čutki i pra naŭmysnaje atručvańnie. Heta moh zrabić toj, kamu nadakučyli na voziery čajki.

«Usie hetyja pryčyny słušnyja, ale čamu ŭ takim razie pamirajuć tolki čajki? Moža, tamu, što jaduć rybu, jakaja ŭ svaju čarhu spažyvaje toje, što robić jaje atrutnaj. Treba šukać pryčynu ŭ łancužku ptušynaha charčavańnia. Kali śpiecyjalisty paćvierdziać takuju hipotezu, to prablema kudy bolš surjoznaja, čym ujaŭlajecca…»

— kamientuje situacyju «Našaj Nivie» ekałahičny aktyvist Śviatasłaŭ.

Pamierłaja čajka na mahiloŭskim voziery. Fota: mogilev.online

Čajki na Śviatym voziery pamirali i raniej, ale sioleta maštab ich hibieli značna pavialičyŭsia. Cielcy ptušak znachodziać na miascovych plažach, čaho ŭ minułyja hady nie było.

Kałonija čajek hniazdujecca na vostravie pasiarod voziera. Heta nievialikaja zabałočanaja placoŭka, nie dastupnaja ludziam bieź śpiecyjalnaha ryštunku.

Ptuški nazyvajucca adnoj z pryčynaŭ zabrudžvańnia voziera. Nie adnojčy ahučvalisia prapanovy likvidavać vostraŭ, kab pazbavić vadajom ad «ptušynaj fiermy». Ptuški nibyta raznosiać bakteryi.

Ptuška ŭ pałonie arhaniki. Śviatoje voziera. 2016 hod. Fota: svaboda.org

U 2012 hodzie Śviatoje voziery z čajkami pryznavałasia samym čystym vadajomam u horadzie. Ale ŭžo tady havaryli pra nabližeńnie ekałahičnych prablem.

Isnavali varyjanty ačystki voziera. Svaje pasłuhi prapanoŭvali navat niamieckija śpiecyjalisty. Ale cana była nie padjomnaja dla haradskoha biudžetu. Čynoŭniki spadziavalisia, što prablemy źniknuć sami.

U 2014-m i ŭ nastupnyja hady z-za zabrudžvańnia vady na voziery zabaraniałasia kupacca i navat padychodzić da vady. U śpioku vadajom pakryvaŭsia brudam, la bierahoŭ źbirałasia ćviordaje arhaničnaje rečyva.

Prakładzienyja praź plaž truby. Na lukach litara «K» — kanalizacyja. Fota: svaboda.org

U 2016 hodzie stali havaryć pra Śviatoje voziera jak zonu ekałahičnaha biedstva. Adznačałasia, što za doŭhija hady na dnie nazapasiłasia bahata škodnych adchodaŭ, jakija padčas prahravańnia vady razłahajucca. Vykazvałasia zaniepakojenaść zdaroŭjem ryby.

Štohod paŭtarałasia: varta čyścić voziera. Hrošaj, adnak, nie było.

Ratavańnia voziera patrabavała i hramadskaść. Pad zaklikam terminovaj ačystki vadajoma padpisałasia bolš za 6 tysiač žycharoŭ prylehłaha da jaho rajona. Na zvarot čynoŭniki adpisali, što situacyja pad kantrolem.

Aktyvisty-ekołahi pryčynaj zabrudžvańnia voziera nazyvali prybiralni prylehłych pryvatnych siadzib pasiołka Hrabianiova. Jany davodzili, što praz hrunt hadami prasočvalisia elemienty azotu i fosfaru, jakija i pryviali da razrastańnia škodnych mikraarhanizmaŭ. Akramia taho, voziera cierpić ad ściokaŭ pavierchnievych vod.

U dalečyni, pasiaredzinie voziera, — upadabany ptuškami vostraŭ. Fota: svaboda.org

Śviatoje voziera — pomnik pryrody. Jano samaje hłybokaje na Mahiloŭščynie. Hłybinia da 20 mietraŭ. Upieršyniu ŭ histaryčnych chronikach zhadvajecca ŭ 1643 hodzie. Bolš za piać dziasiatkaŭ hadoŭ tamu vadajom byŭ nievialiki. Kali pačałasia industryjalizacyja tutejšych miaścin z masavym uźviadzieńniem žylla, z voziera brali piasok. Jano značna pavialičyłasia jak pamierami, tak i hłybinioju. Vada ŭ voziery nie cyrkuluje. Niekali, pavodle žycharoŭ Hrabianiova, vadajom byŭ złučany nievialikaj račułkaj z Dniaprom. Jaje likvidavali mielijaratary.

«Naša Niva» — bastyjon biełaruščyny

PADTRYMAĆ

Hladzicie taksama:

Hłuskija enierhietyki pierasialili busła, z-za jakoha ŭ vioscy prapadała elektryčnaść

Žycharu Smarhoni syn padaryŭ na dzień naradžeńnia strausaŭ. Haspadar pierarabiŭ płot, bo mietrovy ptuški brali z raźbiehu

Vučonyja dakazali, što raśliny ŭmiejuć razmaŭlać

Kamientary

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Usie naviny →
Usie naviny

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna14

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

bolš čytanych navin
bolš łajkanych navin

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić