«Na Novy hod budziem prybirać ułasnuju žyvuju jełku!» Mužčyna sa Śvietłahorska vyroščvaje kiparysy z «trafiejnaj» šyški
Chtości pryvozić z adpačynku z haračych krain suvieniry, chtości — pamiatnyja fota i ciopłyja ŭspaminy. A Vital sa Śvietłahorska, akramia jarkich emocyj i zapaminalnych zdymkaŭ, pryvioz šyšku kiparysavaj jełki. Jon vyrašyŭ paekśpierymientavać i ŭ miascovych umovach vyraścić ułasnyja jalinki. Miascovaje vydańnie «Ranak» pacikaviłasia, ci ŭdałasia hetaja avantura.
«Syn paprasiŭ sarvać šyšku, — raskazaŭ Vital. — Prosta zachaciełasia. Ja sarvaŭ, kab paradavać jaho. Pryvieźli dadomu, tak by mović, trafiej z adpačynku. Dumaŭ, što jana jašče zialonaja i tołku niama. Ale ŭžo praz tydzień šyška stała raskryvacca, ź jaje vysypałasia pad sotniu nasiennych siemak. Šyška, jakaja raskryłasia, vyhladaje vielmi niezvyčajna, padobnaja da miača. A ŭnutry biełyja plamki — heta śled ad siemak.
Ja ź cikaŭnaści zahuhliŭ usio pra kiparysavyja jełki. Daviedaŭsia, jak praroščvać nasieńnie, i vyrašyŭ pasprabavać. Pamiž dvuma vatnymi dyskami pakłaŭ 20 siemak. Tak dzion 10 trymaŭ ich u vilhotnym asiarodździ. Potym pasadziŭ u ziamlu, nabytuju ŭ nas, dla ihličnych raślin. I prarasło 12 jalinak.
Pieršyja ŭschody źjavilisia ŭ žniŭni minułaha hoda. Kali parastki padraśli da 2 santymietraŭ, ja rassadziŭ ich pa adnym».
Pa słovach Vitala, dahladać za parastkami kiparysavaj jełki nie tak užo i składana: paliŭ raz na try dni i narmalna. Tolki harški treba pavaročvać rehularna, bo ściablinki ciahnucca da sonca i vyhinajucca.
«Užo radziej pavaročvajem, bo stvoł choć i tonieńki, ale ŭžo značna macniejšy staŭ. A tak davoli niepatrabavalnaja raślina, ale heta pakul. Dalej vidać budzie, dumaju, usie šeść jalinak u vyniku i dojduć da finišu. Jany i ciapier jašče nievialikija, pa 8—11 santymietraŭ, ale ŭžo bakavyja haliny pačali puskać. Pakul nie viedaju, što budziem rabić ź imi dalej. Svajaki prosiać razdać, jak padrastuć jašče.
Znajomym cikava, jak prachodzić hety sadavodčy dośled. Kažu, kali chočacie, dam nasieńnie i sprabujcie sami vyraścić jalinku. Bo, jak pakazvaje vopyt, paśla rassadžvańnia nie ŭsie vyžyvajuć. Ale pasprabavać varta. My taksama nie čakali, što choć adna siemka prakluniecca, a ŭ vyniku ŭsio atrymałasia. I paŭdzielničać u hetym ekśpierymiencie było cikava ŭsioj siamji.
U našych umovach ja sumniavajusia, što vyrastuć kiparysy 10—20 mietraŭ, ale jak chatnija raśliny buduć u lubym vypadku. Žartam usim kažam, što na Novy hod budziem prybirać ułasnuju žyvuju jełku!»
Čytajcie taksama:
-
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ
-
Biełarus, uziaty ŭ pałon ukraincami, źviarnuŭsia da Łukašenki z prośbaj zakinuć za jaho słoŭca pierad Pucinym
-
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB9
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2929
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»29
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary