Biełaruski paŭabaronca pravioŭ pieršy matč u sieryi «A» italjanskaha čempijanatu.
Biełaruski paŭabaronca Michaił Sivakoŭ pravioŭ pieršy matč u sieryi «A» italjanskaha čempijanatu.
Hulec BATE Michaił Sivakoŭ pierajšoŭ u kłub «Kaljary» ŭ studzieni 2009 h., zaklučyŭšy kantrakt na 3,5 hoda. Ale ŭ druhim kruzie čempijanatu 2008/2009 jon tak ni razu nie źjaviŭsia na poli.
U novym siezonie Sivakova niekalki razoŭ uklučali ŭ zajaŭku na matč, ale na poli taksama ni razu nie vypuścili.
Debiut prypaŭ na 12-ty tur čempijanatu Italii: 8 listapada «Kaljary» doma hulaŭ z «Sampdoryjaj».
Michaił źjaviŭsia na poli na druhoj dadadzienaj chvilinie druhoha tajma (90+2), kali sardzinski kłub vioŭ u liku 2:0 (Konci, 85, Matry, 90). Sivakoŭ zamianiŭ na poli Davide Bjandzini. Matč tak i skončyŭsia pieramohaj «Kaljary» – 2:0. Sivakoŭ pravioŭ na poli adnu chvilinu.
Paśla 12-ci turaŭ «Kaljary» zajmaje 8-je miesca z 19 bałami (6 pieramoh, 1 ničyja, 5 parazaŭ, bałans miačoŭ 16—12).
Na 9-m miescy idzie «Bary» (4 pieramohi, 6 ničyich, 2 parazy, 11—7, 18 bałaŭ), za jaki vystupaje forvard nacyjanalnaj zbornaj Vital Kutuzaŭ. U niadzielu «Bary» pieramoh «Livorna» — 1:0. Kutuzaŭ nie hulaŭ z pryčyny traŭmy.
Naohuł na rachunku Vitala u 11 matčach - 1 hod i čatyry halavyja pieradačy. Pryčmy hoł jon zabiŭ u samym pierhym matčy ŭ sieryi «A» u haściach suprać «Intera»
U nastupnym tury, 22 listapada, «Bary» zhulaje ŭ haściach z «Romaj», a «Kaljary» – u haściach z «Miłanam».
U minułym siezonie «Kaljary» finišavaŭ na 9-m miescy, a «Bary» zaniaŭ pieršaje miesca ŭ sieryi «V» i prabiŭsia ŭ elitu.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty27
Kamientary