Hetaja raślina nie tolki ŭpryhožyć vielikodny stoł, ale i ŭzbahacić ježu vitaminami
Apošnim časam stała raspaŭsiudžvacca tradycyja ŭpryhožvańnia vielikodnaha stała nie tolki pafarbavanymi jajkami, ale i praroščanaj zielaninaj. Najlepš dla hetaha padychodzić kres-sałata. Raskazvajem, jak jaje siejać i palivać, kab atrymać da śviatočnaha stała.
Kres-sałata, pieršapačatkova raspaŭsiudžanaja na terytoryi Azii i Paŭnočnaj Afryki (Jehipiet, Efiopija), ciapier viadomaja va ŭsim śviecie. Jana śviatłolubivaja i marozaŭstojlivaja. Zielanina ŭtrymlivaje vitamin S, vitaminy hrupy V, beta-karatyn, folijevuju kisłatu, sieru, kalij, mahnij, kalcyj, žaleza, chrom i jod. Raślina vałodaje ačyščalnymi ŭłaścivaściami dla našaha arhanizma, palapšaje apietyt i spryjaje stravavańniu.
Ad momantu pasievu kres-sałaty da momantu zboru prachodzić 7—10 dzion.
U što siejać kres-sałatu ŭ chatnich umovach
Dla vyroščvańnia lepš padydzie jomistaść ź nievialikimi borcikami (5—10 sm).
Možna nabyć śpiecyjalny praroščvalnik, jaki składajecca z paddona i ŭkładyša ŭ vyhladzie sietki. U takim vypadku nie spatrebicca ziamla. Nasieńnie raskładvajuć na sietku, a ŭ paddon padlivajuć vadu.
Kali niama takoha praroščvalnika, to možna vykarystać vatnyja dyski, marlu, papiarovyja ručniki. U takim vypadku ich składvajuć u niekalki stołak, kab stvaryć padłožku.
Kali vy nie ŭjaŭlajecie pasieŭ bieź ziamli, to dla vyroščvańnia kres-sałaty moža padyści čysty tarfiany substrat ci sumieś torfu, sadovaj ziamli i račnoha piasku. Śpiecyjalisty nie rekamiendujuć sadžać kres-sałatu ŭ hatovyja hruntavyja sumiesi, što pradajucca ŭ kramach, bo jany mohuć być apracavanyja chimikatami. U takim vypadku praroščanaja kres-sałata ŭbiare ŭ siabie šmat škodnych rečyvaŭ.
Pierad pasievam hrunt ci inšuju padłožku dobra ŭvilhatniajuć, a nasieńnie rekamiendujuć zamačyć na 8—12 hadzin.
Jak siejać kres-sałatu
Kali ŭ vas hrunt, to jaho dobra ŭtramboŭvajuć. Heta treba, kab jon lepš utrymlivaŭ vilhać. Pa pavierchni ziamli ci padłožki husta raskładvajuć nasieńnie. Toje nasieńnie, što źlipłasia, raździalajuć zubačystkaj ci pincetam.
Zatym jaho dobra pryciskajuć da ziamli i nakryvajuć plonkaj z adtulinami. Pasudzinu z nasieńniem staviać u zacienienaje i ciopłaje miesca da źjaŭleńnia parastkaŭ.
Pieršyja kalivy źjaviacca ŭžo na nastupny dzień.
Jak palivać kres-sałatu
Dla palivu lepš vykarystoŭvać raspylalnik, jakim apyrskvać pasievy 2—3 razy na dzień. Kali vykarystoŭvajecca hidraponny mietad (bieź ziamli), to ŭ jomistaść kožny dzień padlivajuć vadu. U praroščvalniku ź sietkaj vadu mianiajuć kožny dzień.
Vyraščanaja kres-sałata nie tolki ŭpryhožyć vialikodny stoł, ale i stanie dobrym dadatkam da straŭ. Naprykład, joju možna pasypać jajki z majanezam, buterbrod, dadać da sałata z aharodniny.
Čytajcie taksama:
Jak pravilna abrazać hartenziju. I čym jana moža być karysnaja, akramia charastva
Jak nie razarycca na nasieńni, vyhadavać rasadu i nie raźvieści ŭ aharodzie les — pravieranyja parady aharodnikam-pačatkoŭcam
Chočacie vyraścić doma raślinu, ale vy dalokija ad hetaha? Vam dapamohuć sukulenty
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary