U BDU pa inicyjatyvie Kamiteta dziaržaŭnaha kantrolu zjavicca novaja śpiecyjalnaść
Z novaha navučalnaha hoda ŭ Biełaruskim dziaržaŭnym univiersitecie adkryjecca novaja śpiecyjalnaść — «dziaržaŭny aŭdyt».
Padrychtoŭka pa hetym napramku ŭ Biełarusi budzie arhanizavana ŭpieršyniu. Vypuskniki zmohuć pracavać u dziaržaŭnych strukturach, na bujnych pradpryjemstvach, u aŭdytarskich kampanijach. Adkryćciu novaj śpiecyjalnaści sadziejničała ciesnaje supracoŭnictva Kamiteta dziaržkantrolu i ekanamičnaha fakulteta BDU, piša BIEŁTA.
«My bačym, jakimi kampietencyjami pavinien vałodać sučasny śpiecyjalist u halinie aŭdytu. U pieršuju čarhu heta miždyscyplinarnyja navyki: bazavyja ekanamičnyja viedy, analityka danych, umieńnie pravodzić pafaktarny analiz, madelavać situacyi i scenaryi raźvićcia padziej», — adznačyła načalnik Hałoŭnaha ŭpraŭleńnia kantrolu biudžetna-finansavaj śfiery KDK Julija Aŭchukava na dni adkrytych dźviarej u BDU. — U svaju čarhu Kamitet dziaržkantrolu płanuje ŭdzielničać u adukacyjnym pracesie, kab padzialicca viedami i svaim dośviedam».
Aŭchukava skazała, što śpiecyjalisty na novaj śpiecyjalnaści buduć rychtavacca nie tolki dla dziaržaŭnych orhanaŭ, jakija ažyćciaŭlajuć kantrolnuju dziejnaść, ale i dla słužbaŭ unutranaha aŭdytu i viedamasnaha kantrolu dziaržaŭnych arhanizacyj.
Namieśnik staršyni Kamiteta dziaržkantrolu Andrej Łabovič dadaŭ, što studenty zmohuć prachodzić praktyku ŭ viedamstvach, nabiracca niepasrednaha vopytu kantrolnaj i aŭdytarskaj dziejnaści padčas vučoby. Pavodle jaho, majecca damoŭlenaść ab sumiesnaj padrychtoŭcy śpiecyjalistaŭ pa śpiecyjalnaści «dziaržaŭny aŭdyt» z Vyšejšaj škołaj dziaržaŭnaha aŭdytu Maskoŭskaha dziaržaŭnaha ŭniviersiteta.
Kamientary