Mierkavańni22

Andrej Skurko: My zrazumieli vartaść zvyčajnych, zdavałasia b, rečaŭ i źjaŭ

Paŭlina Skurko nadrukavała ŭ instahramie novuju nizku mudrych razvažańniaŭ z turemnych listoŭ svajho muža Andreja.

Andrej Skurko z synam Tamašom

…Pahladzieć materyjalnuju kulturu majia — jak i ŭsio astatniaje — u najlepšych muziejach śvietu mianie vielmi natchniaje. Budu pra heta dumać.

Takaja frankłaŭskaja mietodyka: pamiataješ, jak jon raskazvaŭ, jak ujaŭlaŭ, što vystupaje va ŭtulnaj zale pierad vialikaj aŭdytoryjaj? (Choć ja, viadoma, nie ŭ takich skrušnych umovach, jak jon, kali ŭjaŭlaju heta).

…Paśla hetaha času ŭsio budzie inačaj — tak. A lepiej budzie, bo my zrazumieli (choć i raniej razumieli, ale nie tak vostra) vartaść zvyčajnych, zdavałasia b, rečaŭ i źjaŭ.

I mnohija-mnohija zrazumieli taksama.

Mahčyma, jakraz pra heta pisaŭ Tank u prastavatym na vyhlad vieršy «Prostaje ščaście ludskoje».

Što da źmienaŭ uva mnie: ciapier jasna, čamu dziadula Pavieł byŭ takim viasiołym, žyćciaradasnym i lohkim čałaviekam.

[Andrejeŭ dziadula taksama prajšoŭ turmu.]

…Navat hetyja dni i miesiacy (jakich usio mieniej i mieniej da našaj sustrečy) nie pavinny być stračanymi dla ščaścia, uzajemnaha abažańnia i adčuvańnia asałody adno ad adnaho. I ad adčuvańnia paŭnaty žyćcia ŭ kožny momant.

My nie «kansiervujemsia» da lepšych časoŭ, a žyviom adno dla adnaho i zaraz. A kali abstaviny źmieniacca, prosta praciahniem heta rabić.

 …Zakony ekanomiki nie abminieš, jak i źmienu siezonaŭ hoda. Kali viasna nadychodzić — jana abaviazkova budzie, jakija b marazy ni stajali.

…Tak chočacca być pobač z vami — padtrymlivać, dapamahać. I ja ŭpeŭnieny, što skora (kali b Boh nie daŭ toje «skora») my budziem razam.

Vielmi mudraja pieśnia Kačmarskaha «O krok», što nielha hublać nadzieju, bo da jaje realizacyi, mahčyma, zastaŭsia ŭsiaho krok.

…U viaršyni vialikich i honkich dreŭ małanka zaŭsiody bje. I praciah: u viaršyni maleńkich i nicych dreŭ małanka nikoli nie bje. 

Kali na mianie časam napadaje jakaja-niebudź paniavierka, ja dumaju pra našych hieraičnych siabroŭ i pra toje, jak ciapier im. Samyja ciopłyja pažadańni i pryvitańni pieradavaj.

Kamientary2

  • Pcič
    01.04.2023
    Pieraprašaju, što prychodzicca ŭ hetaj temie pisać niepryjemnyja, ale vidavočnyja, dumki. NN, vielmi prosim, naviadzicie paradak u maderacyi. U vas tut u kamientaryjach volna badziajucca łukašysckija śpiectroli, ščyryja nianaviśniki biełaruščyny, rasiejskaśvietnyja novyja byccamdemakraty... NN, uspomnicie dla čaho vas niekali stvaryli i rabicie hetuju spravu biezdakorna. Vielmi staraŭsia, kab biez mocnych słoŭ.
  • Pamiatajcie svaich prodkaŭ
    01.04.2023
    Pcič, Dobra skazana, Pcič. Pieršapačatkovaja «Naša Niva», jak i «Mužyckaja Praŭda» da jaje, była hołasam za Biełaruś, biełarusaŭ i biełaruščyny, a nie za tych, chto nienavidzieŭ Biełaruś i žadaŭ joj śmierci. U prapahandystaŭ svaje trybuny. Ich tut nie treba mieć. 

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA19

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Usie naviny →
Usie naviny

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh1

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały2

Jak daviedacca, ci apyrskvali kłubnicy: adzin prosty sposab raskryje praŭdu4

Biełarusy mohuć admovicca ad niekatorych kamunalnych pasłuh3

«Žaleznaja zasłona vakoł našaj krainy». Biełarusam usio ciažej atrymać polskija vizy25

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA19

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić