Adnoŭlenaja siadziba ŭ Vaŭkavyskim rajonie stała instahram-trendam
U sacsietkach biełarusaŭ usio čaściej źjaŭlajucca fota i ryłsy z łakacyjaj, padobnaj na dekaracyi da fentezi-filma — z pałacam, viežaj i atmaśfieraj staradaŭniaha majontka. «Smartpres» adpraviŭsia pravieryć, što heta za miesca i čamu tudy ciapier jeduć turysty dy błohiery.
Havorka pra siadzibu Siehieniaŭ u vioscy Kraski Vaŭkavyskaha rajona. Jana staić u baku ad vialikich tras, što robić jaje asabliva ŭtulnaj.
Historyja siadziby pačałasia ŭ pieršaj pałovie XIX stahodździa. Pravaja častka doma z vysokaj nieahatyčnaj viežaj źjaviłasia ŭ 1905 hodzie — mienavita jana siońnia stała hałoŭnym hierojem instahram-zdymak. Paśla 1939 hoda na terytoryi byłoha majontka paśpieli pabyvać i škoła, i dziciačy tubierkulozny sanatoryj, i navat ŁPP.
Novaje žyćcio siadziby pačałosia ŭ 2013-m, kali jaje vykupiŭ rasijski pradprymalnik Vadzim Sielichaŭ. Praz hady adnaŭlenčych rabot 17 lipienia 2025 hoda «siadziba panoŭ Siehieniaŭ» aficyjna adkryłasia dla naviedvalnikaŭ.
Pakul možna tolki prahulacca pa terytoryi i zładzić fotasiesiju, ale, pa słovach supracoŭnikaŭ turystyčnaha kompleksu, užo ŭ nastupnym hodzie adkryjecca dostup u sam panski dom. Na pieršym paviersie płanujuć restaran, na druhim — ekspazicyi, pryśviečanyja historyi siadziby, a na trecim — absiervatoryju dla nazirańnia za zorkami.
Ciapier heta cichaje miesca, dzie možna nie tolki zrabić stylnyja kadry, ale i prosta adpačyć ad haradskoj mituśni.
A paśla prahułki na śviežym vosieńskim pavietry možna zazirnuć u miascovuju kaviarniu: šurpa i płoŭ z kazana tut asabliva dobryja.
Uładalnik majontka ŭ Kraskach: Chajtekaŭ tut nie budzie, chaču adnavić usio, jak było pry panach…
Znakamity rasijski cyrkač z «Dziu Salej» ratuje stary młyn u biełaruskaj vioscy i prosić pra tałaku
U byłoj psichbalnicy ŭ Žodziškach ciapier vystaŭlajuć biełaruskich mastakoŭ FOTY
Restaŭratary adnavili kaplicu ŭ siadzibie Ahinskich. Jaje raskrytykavali za niedakładnaści
U Stoŭbcach praviali zabieh «Šlacham Jakuba Kołasa», kab papularyzavać tvorčaść ziemlaka. Na ruskuju navat jaho cytatu pierakłali
Kamientary