Znakamity rasijski cyrkač z «Dziu Salej» ratuje stary młyn u biełaruskaj vioscy i prosić pra tałaku
U vioscy Ziabki na Hłyboččynie rasijski artyst — kłoŭn i akrabat, jaki kaliści vystupaŭ na suśvietnych scenach, ułasnaručna ramantuje stary młyn i maryć pieratvaryć jaho ŭ teatr i art-prastoru. Jon prosić dałučycca ŭsich nieabyjakavych.
Zasłužany artyst Rasii, kłoŭn i były himnast cyrka «Dziu Salej» Mikałaj Čaŭnakoŭ, jakoha ŭ vioscy nazyvajuć «Nikala», čatyry hady tamu pierajechaŭ z Maskvy ŭ biełaruskuju viosku Ziabki razam z žonkaj — viciablankaj Alenaj. «Nas ničoha nie źviazvała z hetymi miaścinami, ale my pryjechali i nie zmahli zabyć pra Ziabki», — raspaviadali jany.
Čaŭnakovy vykupili zakinutyja budynki staroj škoły i młyna, kab stvaryć tut niezvyčajnaje art-asiarodździe: kłoŭnaryum, vystavu i prastoru, što abudžaje fantaziju.
Ciapier hałoŭny kłopat Nikala — stohadovy cahlany młyn, samy vialiki budynak vioski.
Jon byŭ zbudavany ŭ 1930‑ch hadach pa niamieckim prajekcie. Młyn maje čatyry pavierchi, byłuju kuźniu i schovišča. Budynak pastupova razburajecca, a draŭlany dach amal całkam zhniŭ — tamu artyst raspačaŭ jaho ramantavać samastojna.
Siužet u tyktoku pra jaho zrabiŭ haspadar miascovaj ahrasiadziby «Zapaviedny vostraŭ».
Młyn, jak kaža Čaŭnakoŭ, śvierchzadača dla jaho na siońnia. Dach jon choča pastavić da zimy.
Mužčyna prosić vałancioraŭ dapamahčy.
«Pakińcie svoj śled u historyi Ziabak», — zaklikaje Nikala.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB24
Kamientary