Знакаміты расійскі цыркач з «Дзю Салей» ратуе стары млын у беларускай вёсцы і просіць пра талаку
У вёсцы Зябкі на Глыбоччыне расійскі артыст — клоўн і акрабат, які калісьці выступаў на сусветных сцэнах, уласнаручна рамантуе стары млын і марыць ператварыць яго ў тэатр і арт-прастору. Ён просіць далучыцца ўсіх неабыякавых.
Заслужаны артыст Расіі, клоўн і былы гімнаст цырка «Дзю Салей» Мікалай Чаўнакоў, якога ў вёсцы называюць «Нікаля», чатыры гады таму пераехаў з Масквы ў беларускую вёску Зябкі разам з жонкай — віцяблянкай Аленай. «Нас нічога не звязвала з гэтымі мясцінамі, але мы прыехалі і не змаглі забыць пра Зябкі», — распавядалі яны.
Чаўнаковы выкупілі закінутыя будынкі старой школы і млына, каб стварыць тут незвычайнае арт-асяроддзе: клоўнарыум, выставу і прастору, што абуджае фантазію.
Цяпер галоўны клопат Нікаля — стогадовы цагляны млын, самы вялікі будынак вёскі.
Ён быў збудаваны ў 1930‑х гадах па нямецкім праекце. Млын мае чатыры паверхі, былую кузню і сховішча. Будынак паступова разбураецца, а драўляны дах амаль цалкам згніў — таму артыст распачаў яго рамантаваць самастойна.
Сюжэт у тыктоку пра яго зрабіў гаспадар мясцовай аграсядзібы «Запаведны востраў».
Млын, як кажа Чаўнакоў, сверхзадача для яго на сёння. Дах ён хоча паставіць да зімы.
Мужчына просіць валанцёраў дапамагчы.
«Пакіньце свой след у гісторыі Зябак», — заклікае Нікаля.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары