10 kastryčnika ŭ Biełarusi adbylisia dva surjoznyja darožna-transpartnyja zdareńni, u vyniku jakich zahinuli kiroŭcy. Pra heta paviedamiła pres-słužba Ministerstva ŭnutranych spraŭ.
Pieršaja avaryja zdaryłasia na trasie M-5 «Minsk — Homiel» u Žłobinskim rajonie. 35‑hadovy žychar Homiela, jaki kiravaŭ mikraaŭtobusam Mercedes, urezaŭsia ŭ lehkavy aŭtamabil Hyundai, što spyniŭsia na abočynie. U vyniku 38‑hadovy kiroŭca Hyundai zahinuŭ na miescy zdareńnia, a jaho 32‑hadovy pasažyr atrymaŭ traŭmy i byŭ špitalizavany.
Druhaja trahiedyja adbyłasia ŭ Tałačynskim rajonie na trasie M-1 «Brest — Minsk — miaža z Rasijaj». Tut sutyknulisia aŭtamabili tych ža marak — Hyundai i Mercedes. Jak paviedamlaje MUS, 52‑hadovy žychar Minskaha rajona, kirujučy Hyundai, straciŭ kantrol za kiravańniem — mašynu zaniesła i raźviarnuła na sustrečnuju pałasu, dzie adbyłosia łobavoje sutyknieńnie z Mercedes.
U vyniku kiroŭca Hyundai zahinuŭ, a jaho 46‑hadovaja spadarožnica była dastaŭlenaja ŭ balnicu z traŭmami.
Pavodle papiarednich źviestak, u abodvuch vypadkach pryčynaj avaryi mahło stać toje, što kiroŭcy zasnuli za rulom.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary