«Uziali z dokazami złačynstva». U Kramli prakamientavali zatrymańnie žurnalista WSJ
U Kramli zajavili, što žurnalista The Wall Street Journal Evana Hierškoviča, padazravanaha ŭ špijanažy, zatrymali na miescy złačynstva. Tak pres-sakratar prezidenta RF Dźmitryj Piaskoŭ adkazaŭ na prośbu žurnalistaŭ prakamientavać infarmacyju ab zatrymańni hramadzianina ZŠA ŭ Jekaciarynburhu.
«Heta prerahatyva FSB. Ułasna, užo była zajava ad Fiederalnaj słužby biaśpieki. Tut nam niama čaho dadać. Adzinaje, što ja mahu skazać, nakolki nam viadoma, jaho ŭziali z dokazami złačynstva», — skazaŭ Piaskoŭ na bryfinhu, dadaŭšy, što nie viedaje inšych detalaŭ spravy.
Na pytańnie, ci moža zatrymańnie Hierškoviča spravakavać pravierki rasijskich karpunktaŭ u ZŠA, pradstaŭnik Kramla adkazaŭ: «My spadziavajemsia, što hetaha nie budzie, i hetaha nie pavinna być. Tamu što jašče raz paŭtaraju: havorka idzie nie pra padazreńni, a havorka idzie pra toje, što jon byŭ zatrymany z dokazami złačynstva».
Pra los karpunkta The Wall Street Journal u Rasii Piaskoŭ skazaŭ nastupnaje: «Tyja, chto ažyćciaŭlaje narmalnuju žurnalisckuju dziejnaść, zrazumieła, kali ŭ ich jość dziejučaja akredytacyja, jany buduć dalej pracavać. Tut nijakich prablem nie budzie»».
U Jekaciarynburhu žurnalista The Wall Street Journal zatrymali pa padazreńni ŭ špijanažy
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary