U vilenskaj palicyi nie pryniali zajavu na imaviernaha «cichara», jaki zdymaŭ udzielnikaŭ Dnia Voli
Aktyvist, jaki sfatahrafavaŭ padazronaha mužčynu z kamieraj i pieradaŭ «Bajpołu» infarmacyju pra jaho, raskazaŭ praciah historyi.
«Bajpoł» paviedamiŭ, što 25 sakavika ŭ Vilni na śviatkavańni Dnia Voli byŭ zaŭvažany mužčyna, jaki stajaŭ u baku ad udzielnikaŭ śviata i zdymaŭ ich na videakamieru. Pa ich infarmacyi, heta były milicyjanier.
Siońnia biełaruski ŭciakač (jaho imia viadoma Redakcyi), jaki i zaŭvažyŭ mierkavanaha «cichara», pasprabavaŭ napisać zajavu na jaho.
«Pryjšoŭ u palicyju. Kažu: chaču napisać zajavu ab špijanažy na hramadzianina Biełarusi, byłoha supracoŭnika milicyi, jaki zdymaŭ udzielnikaŭ biełaruskaj akcyi 25 sakavika, — jon pieradaje infarmacyju biełaruskim śpiecsłužbam.
Mnie ŭ adkaz: «Vy paciarpieli?» Ja kažu jašče raz, što sens nie ŭ hetym, a ŭ tym, što jon zdymaŭ tvary ŭdzielnikaŭ akcyi, i tyja ź ich, chto paśla pryjedzie ŭ Biełaruś, atrymajuć u plečy kryminałku.
U adkaz mnie skazali, što nijakich niepravamiernych dziejańniaŭ hety čałaviek nie rabiŭ, zdymać na vulicy ŭ nas, maŭlaŭ, nie zabaroniena. Tamu davajcie jašče raz: vy ad jaho paciarpieli? Nie? Nu ŭsio», — raskazaŭ aktyvist. Źviartaŭsia jon u adździaleńnie pa vulicy Zavalnaj (Pilima).
«Bajpoł» śćviardžaje, što vyjaviŭ na Dzień Voli ŭ Vilni «cichara» z kamieraj
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary