Kizim pra jadziernuju zbroju ŭ Biełarusi: Zrazumieła, navošta heta Pucinu, ale navošta biełarusam?
Pasoł Ukrainy ŭ Biełarusi prakamientavaŭ namier Uładzimira Pucina zbudavać schovišča dla rasijskaj jadziernaj zbroi na terytoryi Biełarusi.
«Dla tych, chto choć krychu raźbirajecca ŭ pytańniach jadziernaj biaśpieki, vidavočna, što rašeńnie Pucina raźmiaścić jadziernuju zbroju na terytoryi Biełarusi zusim nie budzie spryjać uzmacnieńniu rehijanalnaj biaśpieki i zachavańniu suvierenitetu Biełarusi. Akramia taho, heta prama supiarečyć pałažeńniam Dahavora ab nieraspaŭsiudžvańni jadziernaj zbroi. Pryčym heta parušeńnie jak z boku Rasii, tak i Biełarusi», — źviartaje ŭvahu Kizim.
Jon taksama pradkazvaje, što zaraz biełaruskija prałukašenkaŭskija ekśpierty i analityki, a taksama čynoŭniki buduć pierakonvać biełaruskaje hramadstva ŭ tym, što jadziernaja zbroja budzie spryjać miru i zhodzie.
«Ale, napeŭna, u hetym kantekście im treba było b uspomnić i pra nastupstvy avaryi na Čarnobylskaj AES. Zrazumieła, navošta heta treba ciapier kramloŭskamu režymu, ale navošta heta biełarusam?» — zadajecca pytańniem Ihar Kizim.
Raniej stała viadoma, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi.
Ministerstva abarony ZŠA paviedamiła, što niama nijakich prykmiet, jakija pakazvali b na toje, što Rasija rychtujecca ŭžyć jadziernuju zbroju.
Ciapier čytajuć
Adzin z zahinułych siońnia vajskoŭcaŭ — 26‑hadovy minčuk Kirył. Što pra jaho viadoma1
Kamientary
Dastatkova dapamahać, a ŭ adkaz atrymlivać adny plaŭki ŭ tvar. Mała taho, što bitum ŭ 2020 hodzie ŭ režyma nabyvali, a ŭzurpatara vaš narod padtrymlivaŭ na 80%, dek zaraz nas, chto vam fizična dapamahaŭ vy vinavacicie ŭ tym, što my rakiety rukami nie łovim. Ŭzrovień niedavieru k biełarusam z vašaha boku tyja samyja 80%, što ŭžo pačało vylivacca ŭ hanieńni na nas ŭ eŭropie. Heta bolej nie naša baraćba, zmahajciesia sami.