Pientahon: Niama nijakich prykmiet, što RF płanuje prymianić jadziernuju zbroju
Paśla zajavy prezidenta RF Uładzimira Pucina ab tym, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi, Ministerstva abarony ZŠA paviedamiła, što niama nijakich prykmiet, jakija b ukazvali na toje, što Rasija rychtujecca prymianić jadziernuju zbroju.
«My nie bačym nijakich pryčyn dla karekciroŭki našaj ułasnaj stratehičnaj jadziernaj pazicyi, a taksama nijakich prykmiet taho, što Rasija rychtujecca prymianić jadziernuju zbroju. My zastajomsia addanymi kalektyŭnaj abaronie NATA», — zajavili ŭ Ministerstvie abarony ZŠA, pieradaje Reuters.
Učora prezident RF Uładzimir Pucin zajaviŭ, što Maskva i Minsk damovilisia raźmiaścić taktyčnuju jadziernuju zbroju na terytoryi Biełarusi.
«Alaksandr Ryhoravič Łukašenka daŭno stavić pytańnie ab tym, kab raźmiaścić na terytoryi Biełarusi rasijskuju taktyčnuju jadziernuju zbroju, — skazaŭ Pucin. — My ŭžo pieradali ŭ Biełaruś naš viadomy, vielmi efiektyŭny kompleks «Iskander», jon taksama moža być nośbitam. Z 3 krasavika pačynajem vučyć ekipaž i 1 lipienia zakančvajem budaŭnictva śpiecyjalnaha schovišča dla taktyčnaj jadziernaj zbroi na terytoryi Biełarusi».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary