Dva dyktatary, jakija zahulalisia ŭ vajnu, zrabili ź Biełarusi cel dla ŭdaru — Cichanoŭskaja
Lidarka demakratyčnaj Biełarusi Śviatłana Cichanoŭskaja adreahavała na navinu pra raźmiaščeńnie ŭ Biełarusi rasijskaj jadziernaj zbroi.
«Łukašenka parušyŭ Kanstytucyju, kali ŭ 1990-ch faktyčna źniščyŭ padzieł uładaŭ i zrabiŭ siabie adnaasobnym kiraŭnikom. Jon parušyŭ Kanstytucyju, kali abjaviŭ vajnu hramadzianskaj supolnaści, začyściŭ partyi, zabraŭ svabodu słova ŭ telebačańnia, a potym źniščyŭ niezaležnyja miedyja. Jon parušyŭ Kanstytucyju, kali sfalsifikavaŭ vybary i dazvoliŭ Pucinu vieści varvarskuju vajnu suprać Ukrainy z terytoryi Biełarusi», — napisała Cichanoŭskaja.
Pavodle jaje, Łukašenka parušaŭ Kanstytucyju kožny raz, kali išoŭ suprać voli naroda i sadžaŭ ludziej u turmu pa palityčnych pryčynach.
«Hod tamu jon čarhovy raz pajšoŭ suprać fundamientalnaha patrabavańnia naroda i parušyŭ Kanstytucyju, pazbaviŭšy Biełaruś niejtralnaha i biazjadziernaha statusu. I ciapier my bačym, dla čaho — kab dahadzić Pucinu i jahonym płanam raźmiaščeńnia jadziernaj zbroi.
Łukašenka i da hetaha ŭciahvaŭ Biełaruś u vajnu krok za krokam. Zaraz praź jaho ŭ Biełarusi budzie nie prosta stratehičny vajskovy abjekt čužoj krainy. Ciapier Łukašenka i Pucin zrabili ź Biełarusi cel dla ŭdaru. Heta pramaja pahroza žyćciu i biaśpiecy bolš čym dzieviaci miljonam čałaviek. Prykryvajučysia miram i siabroŭstvam, Łukašenka stvaraje niebiaśpieku dla ŭsiaho naroda Biełarusi.
Prapahanda moža jak zaŭhodna tłumačyć toje, što adbyvajecca. Ale sutnaść prostaja: 27 hadoŭ u Biełarusi nie było jadziernaj zbroi, a zaraz jana vierniecca. Dva dyktatary, jakija zahulalisia ŭ vajnu, adkidajuć nas na try dziesiacihodździ nazad. Jakaja jašče nahoda patrebnaja, kab budavać novuju sistemu biaśpieki rehijona?» — piša Cichanoŭskaja.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary
Dy i vy vyrvali z kantekstu. Kali supastavić tuju pramovu z sučasnaściu, to atrymlivajecca, što ŭžo nie "mudryj", bo nie zrabiŭ taho, što ad jaho spadziavalisia atrymać.