Кізім пра ядзерную зброю ў Беларусі: Зразумела, навошта гэта Пуціну, але навошта беларусам?
Пасол Украіны ў Беларусі пракаментаваў намер Уладзіміра Пуціна збудаваць сховішча для расійскай ядзернай зброі на тэрыторыі Беларусі.
«Для тых, хто хоць крыху разбіраецца ў пытаннях ядзернай бяспекі, відавочна, што рашэнне Пуціна размясціць ядзерную зброю на тэрыторыі Беларусі зусім не будзе спрыяць узмацненню рэгіянальнай бяспекі і захаванню суверэнітэту Беларусі. Акрамя таго, гэта прама супярэчыць палажэнням Дагавора аб нераспаўсюджванні ядзернай зброі. Прычым гэта парушэнне як з боку Расіі, так і Беларусі», — звяртае ўвагу Кізім.
Ён таксама прадказвае, што зараз беларускія пралукашэнкаўскія эксперты і аналітыкі, а таксама чыноўнікі будуць пераконваць беларускае грамадства ў тым, што ядзерная зброя будзе спрыяць міру і згодзе.
«Але, напэўна, у гэтым кантэксце ім трэба было б успомніць і пра наступствы аварыі на Чарнобыльскай АЭС. Зразумела, навошта гэта трэба цяпер крамлёўскаму рэжыму, але навошта гэта беларусам?» — задаецца пытаннем Ігар Кізім.
Раней стала вядома, што Масква і Мінск дамовіліся размясціць тактычную ядзерную зброю на тэрыторыі Беларусі.
Міністэрства абароны ЗША паведаміла, што няма ніякіх прыкмет, якія паказвалі б на тое, што Расія рыхтуецца ўжыць ядзерную зброю.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Дастаткова дапамагаць, а ў адказ атрымліваць адны пляўкі ў твар. Мала таго, што бітум ў 2020 годзе ў рэжыма набывалі, а ўзурпатара ваш народ падтрымліваў на 80%, дэк зараз нас, хто вам фізічна дапамагаў вы вінаваціце ў тым, што мы ракеты рукамі не ловім. Ўзровень недаверу к беларусам з вашага боку тыя самыя 80%, што ўжо пачало вылівацца ў ганенні на нас ў эўропе. Гэта болей не наша барацьба, змагайцеся самі.