Ułady znoŭ šukajuć udzielnikaŭ płana «Pieramoha». Ale zatrymlivajuć, padobna, tych, chto nie maje da hetaha dačynieńnia
Niechta ź ich pisaŭ u fejkavyja boty, stvoranyja MUS, pa inšych zatrymanych nie pryvodziać uvohule nijakich dokazaŭ. Raspaviadajem, što viadoma i jakija miery biaśpieki možna pryniać.
Siarod zatrymanych za apošni tydzień nie mienš za siem čałaviek u videa HUBAZiKa kazali, što nibyta ŭstupali ŭ płan «Pieramoha». Praŭda, kali mierkavać pa hetych ža videa, heta maje mała ahulnaha z rečaisnaściu.
Da prykładu, niadaŭna zatrymlivali kandydata bijałahičnych navuk Natallu Martusievič. U videa HUBAZiKa demanstrujecca paviedamleńnie ad fejkavaha akaunta płana «Pieramoha», jakoje zastałosia biez adkazu:
Takoj ža jakaści «dokazy viny» pakazanyja i ŭ fatohrafa Valeryja Judzina — paviedamleńnie biez adkazu ad, imavierna, niesapraŭdnaha akaŭnta «Bajpoła».
U astatnich ludziej abo nie pakazvajecca anijakich dokazaŭ ich suviazi z płanam «Pieramoha», abo pakazvajecca nieaktyŭny (adklučany i zabłakavany) bot, jak u pradprymalnicy Kaciaryny Šust.
Heta moža śviedčyć pra dźvie rečy: u siłavikoŭ niama dostupu da realnaha śpisa ŭdzielnikaŭ płana «Pieramoha» i zatrymanyja nie byli ŭdzielnikami hetaha płana — navat fakt zapusku bota nie śviedčyć pra toje, što čałaviek uvohule prajšoŭ tam rehistracyju.
Taksama viadoma, što hubazikaŭcy časta sami pišuć teksty dla videa z zatrymanymi. I vierahodna, što ŭdzieł u płanie «Pieramoha», prynamsi častki ludziej, moža być ad samaha pačatku vydumkaj siłavikoŭ.
Jak zaścierahčysia?
Kali vy zapuścili bot płana «Pieramoha», znachodziciesia ŭ Biełarusi i nie źbirajeciesia ŭ im udzielničać (abo zapuścili jaho nie na tym akauncie), to vy možacie abo pačyścić telehram-bot płana «Pieramoha», abo vydalić vaš akaunt u telehramie.
Čytajcie: Jak pačyścić telehram-boty, kab nie zastałosia nijakich śladoŭ VIDEA
Kab nie patrapić na fejkavyja inicyjatyvy — budźcie pilnymi. Raniej my stvarali hajd pa tym, jak nie pavieścisia na fejkavyja inicyjatyvy ŭ telehramie:
Try prostyja parady, kab nie natrapić na fejkavyja inicyjatyvy ŭ Telegram
«Naša Niva» — bastyjon biełaruščyny
PADTRYMAĆ
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary