Najšła kasa na kamień. «Infakazačka» Bondarava nie zdoleła nackavać łukašenkaŭskich siłavikoŭ na inšych prapahandystaŭ
Praŭładnaj aktyvistcy Volzie Bondaravaj admovili ŭ zaviadzieńni kryminalnaj spravy za jaje abrazu. Jana chacieła, kab adnosna jaje prymianili artykuł «Abraza pradstaŭnika ŭłady», ale ŭ milicyi joj skazali, što nijakaja jana nie pradstaŭnica ŭłady.
«Padčas praviadzieńnia pravierki apytanaja Bondarava pakazała, što ŭ ciapierašni momant jana zajmajecca pradziaržaŭnaj dziejnaściu, nakiravanaj na ŭstanaŭleńnie faktaŭ parušeńnia zakanadaŭstva ŭ sietcy internet, paśla čaho adpaviednuju infarmacyju jana pieradaje ŭ kampietentnyja orhany. Taksama apošniaja z hetaj metaj administruje telehram-kanały.
Tak, prahladajučy publikacyi ŭ telehram-kanale «Čat Prydybajły», jana ŭbačyła, što nieviadomy karystalnik, akaŭnt jakoha ciapier vydaleny, raźmiaściŭ post, u jakim majucca abraźlivyja vykazvańni, u tym liku ŭ dačynieńni da jaje. Paśla hetaha jana vyrašyła źviarnucca ŭ milicyju z zajavaj. Taksama padčas pravierki było ŭstanoŭlena, što Bondarava pradstaŭnikom ułady nie źjaŭlajecca», — havorycca ŭ pastanovie ab admovie ŭ zaviadzieńni kryminalnaj spravy.
«Čat Prydybajły» naležyć supracoŭniku rasijskaha Russia Today, jaki aktyŭna padtrymlivaje biełaruskija ŭłady i Alaksandra Łukašenku. U im Volhu Bondaravu nazvali «dołbanutoj» i «dołb…m».
Kab heta ŭsio adbyłosia raniej, to ŭ abaronu Bondaravaj mahli b zavieści kryminalnuju spravu pa art. 189 (abraza) KK Biełarusi, ale pry apošnich źmienach kodeksa jaho prybrali.
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy4
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary