U Litvie pytańnie vizaŭ dla biełarusaŭ i rasijan chočuć aformić asobnym zakonam
Va ŭradzie Litvy prapanujuć vydać asobny časovy zakon, jakim prapisać abmiežavańni dla hramadzian Biełarusi i Rasii na vydaču viz i pierasiačeńnie miažy. Pra heta piša BNS.
Dla hramadzian Biełarusi i Rasii dziejničajuć abmiežavańni na vydaču viz i ciapier. Zajavy na ich atrymańnie prymajucca tolki tady, kali jany padajucca pry pasiarednictvie MZS, a rasijanam i zusim zabaroniena ŭjazdžać u Litvu, za vyklučeńniem tolki niekatorych katehoryj hramadzian.
Hetyja normy — častka pastanovy ab nadzvyčajnym stanoviščy, jakoje ŭviali na miažy ź Biełaruśsiu i Rasijaj paśla pačatku vajny va Ukrainie. Ciapier ich chočuć aformić asobnym časovym zakonam, i kali tak staniecca, to jany buduć dziejničać navat paśla admieny nadzvyčajnaha zdareńnia.
Režym nadzvyčajnaha stanovišča na biełaruska-litoŭskaj miažy dziejničaje da 16 sakavika, ale litoŭcy płanujuć pradoŭžyć jaho da pačatku maja. Ale kali budzie asobny zakon, to, jak havoryć premjer-ministarka Inhryda Šymanicie, možna budzie admovicca ad pradaŭžeńnia režymu nadzvyčajnaha zdareńnia.
Sa słoŭ namieśnika ministra zamiežnych spraŭ Litvy Jovity Nielupšenie, litoŭski ŭrad choča stvaryć «režym nacyjanalnych sankcyj», jaki «zabiaśpiečyć jurydyčnuju jasnaść». A kančatkovaje rašeńnie budzie prymać Siejm, jaki ŭrad prosić razhledzieć hety prajekt terminova.
Čytajcie taksama:
Jeŭrasajuz źbirajecca ŭvieści ličbavyja šenhienskija vizy z padačaj anłajn
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary