22 lutaha ŭ sud vyklikali śviedku pa spravie Nexta — viadomaha błohiera Maksima Puškina. Puškin rastłumačyŭ prakuroru, što z Pratasievičam jany paznajomilisia padčas pracy dla adnaho ź miedyjaresursaŭ. Tady ž Čudziancoŭ paznajomiŭ Maksima i sa Ściapanam Puciłam, paviedamlaje «Viasna» na padstavie materyjałaŭ dziaržaŭnaj presy.
Pa słovach błohiera, u pačatku 2020 hoda byŭ stvorany čat «Chata», kab administratary telehram-kanałaŭ nie krali kantent adzin u adnaho. Asabliva heta było aktualna ŭ pieryjad pandemii, kali ŭsie aktyŭna pisali pra karanavirus.
«Ja byŭ u čacie da leta, a potym vyjšaŭ, kali pačałasia ŭsia hetaja palityčnaja tema. Mnie zdajecca, što jaho stvaryŭ Palčys, heta maja zdahadka. Pryznajusia, ja redka čytaŭ hety čat», — pieradaje «Minskaja praŭda».
Druhi śviedka, prahramist Ihar Kabuškoŭ u sud nie źjaviŭsia, bo vyjechaŭ u Polšu. Jaho raniejšyja pakazańni začytali ŭ sudzie.
Kabuškoŭ sa svajoj dziaŭčynaj Alesiaj Vakulič i jašče niekalkimi vałanciorami vioŭ u 2020 hodzie moładzievy telehram-kanał «Otčiśleno». Ale z čata «Chata», jak jon śćviardžaje, vyjšaŭ letam 2020 hoda, bo inšyja ŭdzielniki ličyli jaho praŭładnym.
Ciapier, jak pišuć prapahandysty, Ihar Kabuškoŭ «padtrymlivaje dziaržaŭnuju ŭładu ŭ Biełarusi, choć raniej byŭ inšaha mierkavańnia», bo nie mieŭ pierad saboj poŭnaj karciny.
Čytajcie taksama:
Nastaśsia Kaściuhova adreahavała na pakazańni Pratasieviča: Žanočymi maršami zajmałasia ja, mama nikoli nie mieła da hetaha dačynieńnia
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daje pakazańni ŭ sudzie
Pratasieviču, Puciłu i Rudziku inkryminujecca nie mienš za 1586 złačynstvaŭ
Siońnia ŭ Minsku sudziać kiraŭnikoŭ Nexta. Pratasieviča zmusili vykazacca pra kaleh
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca3
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary