Nastaśsia Kaściuhova adreahavała na pakazańni Pratasieviča: Žanočymi maršami zajmałasia ja, mama nikoli nie mieła da hetaha dačynieńnia
Na sudzie, pavodle praŭładnych miedyja, Raman Pratasievič pačaŭ davać pakazańni. Jon vykazaŭ mierkavańnie, što arhanizatarkaj žanočych maršaŭ była palitołah Valeryja Kaściuhova. Ale heta pamyłka.
Nastaśsia Kaściuhova, dačka zatrymanaha palitołaha, raniej nie raz raskazvała, što była adnoj z arhanizatarak žanočych maršaŭ.
«Darahija prakuratura, sud, śledčyja i chto tam jašče. Dla pratakoła: u internecie lažyć mnostva roznych intervju, dzie ja całkam čystasardečna pryznajusia, što suarhanizacyjaj žanočych maršaŭ zajmałasia ja. Mama nikoli nie mieła da hetaha nijakaha dačynieńnia. Jak i Pratasievič», — adreahavała na publikacyju Nastaśsia Kaściuhova ŭ tvitary.
Na sud nie dapuskajuć niezaležnych žurnalistaŭ, tamu nieviadoma, jakoje imia kankretna prahučała i chto pabłytaŭ imiony — Pratasievič ci žurnalistka «Minskaj praŭdy», jakaja zapisvała za im u sudzie.
Palitołaha Valeryju Kaściuhovu 6 lutaha pačali sudzić u Minharsudzie.
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daje pakazańni ŭ sudzie
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja52
Kamientary