«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daje pakazańni ŭ sudzie
Siońnia ŭ Minskim abłasnym sudzie dapytvajuć Ramana Pratasieviča pa spravie kiraŭnikoŭ kanała Nexta. Ściapana Puciłu i Jana Rudzika sudziać zavočna. Sačyć za pracesam možna tolki pa repartažach dziaržaŭnaj presy.
«Pieršy zahinuły na pratestach, Tarajkoŭski, staŭ jak chałodny duš. Heta krychu nas aćvieraziła. Ale ŭ emacyjnym płanie ŭsie byli spustošanyja. Nichto nie viedaŭ, što rabić dalej. I tady na Kamaroŭskim rynku, niedzie 12 čysła, zjavilisia dziaŭčaty z kvietkami. Heta dało nam nadzieju, što vyniki vybaraŭ mohuć być pierahledžanyja», — pryvodzić słovy Ramana Pratasieviča «Minskaja praŭda».
Ad płanavańnia žanočych subotnich maršaŭ, maršaŭ piensijanieraŭ Pratasievič adchryściŭsia. Ale zaŭvažyŭ, što, na jaho dumku, žanočymi maršami zajmałasia palitołah Valeryja Kaściuhova, pišuć prapahandysty.
— U Puciły pačalisia niejkija kantakty z Alesiem Zarambiukom — kiraŭnikom Biełaruskaha doma ŭ Varšavie, niejkija hranty jany atrymlivali, da pryniaćcia rašeńniaŭ jon mianie bolš nie padklučaŭ, — skazaŭ Pratasievič.
Štab Viktara Babaryki Raman viedaŭ, ale nie razmaŭlaŭ ź imi. Ni z Maryjaj Kaleśnikavaj, ni z Maksimam Znakam Pratasievič asabista nie byŭ znajomy.
Błohier Eduard Palčys u śniežni 2021 hoda byŭ asudžany da 13 hadoŭ źniavoleńnia pa čatyroch artykułach KK za tak zvanaje raspalvańnie varožaści; arhanizacyju masavych biesparadkaŭ; arhanizacyju dziejańniaŭ, jakija parušajuć hramadski paradak; zakliki da dziejańniaŭ, nakiravanych na škodu nacyjanalnaj biaśpiecy.
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary