«Uzajemadziejańnie», «Ešałon» i «Pošuk». U Biełarusi sioleta źbirajucca pravieści try vučeńni ADKB
Pra namier pravieści ŭ 2023 hodzie na terytoryi Biełarusi ažno try vučeńni sił ADKB paviedamiŭ siońnia ŭ Minsku hienieralny sakratar Arhanizacyi Dahavora ab kalektyŭnaj biaśpiecy Imanhali Tasmahambietaŭ.
13 lutaha Tasmahambietaŭ sustreŭsia ŭ Minsku z Alaksandram Łukašenkam i ministram zamiežnych spraŭ Siarhiejem Alejnikam, taksama ŭ jaho zapłanavanyja sustrečy ź ministram abarony Viktaram Chreninym i dziaržaŭnym sakratarom Rady Biaśpieki Alaksandram Valfovičam.
«Salidny šmatfunkcyjanalny patencyjał» vajskova-palityčnaha błoka dazvalaje «reahavać na šyroki śpiektr sučasnych narastajučych vyklikaŭ i pahroz», — adznačyŭ hiensak ADKB, nazvaŭšy adnym z najvažniejšych napramkaŭ dziejnaści arhanizacyi «ŭdaskanaleńnie pracy ŭ śfierach procidziejańnia teraryzmu i transnacyjanalnaj złačynnaści, niezakonnaha abarotu narkotykaŭ, niezakonnaj mihracyi, a taksama ŭ śfiery infarmacyjnaha zabieśpiačeńnia».
U studzieni vučeńni ADKB admoviłasia pravodzić na svajoj terytoryi Armienija.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary