ŚMI vyśvietlili, jak Iran dastaŭlaŭ bajavyja bieśpiłotniki ŭ Rasiju
Iran vykarystoŭvaŭ łodki i dziaržaŭnuju avijakampaniju dla pieravozki novych typaŭ bieśpiłotnych latalnych aparataŭ dalokaha radyusa dziejańnia ŭ Rasiju dla vykarystańnia ŭ vajnie suprać Ukrainy. Pra heta daviedałasia vydańnie The Guardian ad svaich krynic u Iranie, piša «Jeŭrapiejskaja praŭda».
Vydańnie piša pra partyju z 18 bieśpiłotnikaŭ, jakija byli dastaŭlenyja VMS Rasii paśla taho, jak rasijskija aficery i techniki ździejśnili śpiecyjalny vizit u Tehieran u listapadzie, dzie im prademanstravali poŭny śpiektr iranskich technałohij.
Tady rasijskaja delehacyja ŭ składzie 10 čałaviek abrała šeść bieśpiłotnikaŭ «Machadžer-6», jakija majuć dalokaść palotu kala 200 km i niasuć pa dźvie rakiety pad kožnym kryłom, a taksama 12 bieśpiłotnikaŭ «Šachied-191» i «Šachied-129».
Sa słoŭ krynic, bolšaść bieśpiłotnikaŭ, adpraŭlenych u Rasiju, tajemna zabrała iranskaje sudna z bazy na ŭźbiarežžy Kaśpijskaha mora. Zatym u mory bieśpiłotniki byli pieradadzienyja rasijskamu vajskovamu kataru.
Inšyja bieśpiłotniki adpraŭlali dziaržaŭnaj iranskaj avijakampanijaj, dadali krynicy.
Iran i Rasija majuć vychad da Kaśpijskaha mora, što robić fizičnuju pieradaču pamiž imi adnosna prostaj.
Iran taksama nakiravaŭ u Maskvu techničnych śpiecyjalistaŭ dla dapamohi ŭvieści bieśpiłotniki ŭ ekspłuatacyju. Krynicy raspaviali, što na adzin bieśpiłotnik prychodziłasia pa try iranskija śpiecyjalisty — usiaho 54 — jakija dapamahali intehravać aparaty ŭ rasijskaje vojska.
Bieśpiłotniki byli vyrablenyja na tym ža vajskovym zavodzie ŭ centralnym horadzie Isfachan, jaki 28 studzienia byŭ abstralany izrailskim dronam.
Pa danych brytanskaj daśledčaj arhanizacyi Conflict Armament Research, isnujuć dokazy taho, što Iran madyfikuje svaje bieśpiłotniki, jakija pieradaje Rasii, kab bajavaja častka mahła nanieści maksimalnuju škodu infrastrukturnym abjektam va Ukrainie.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary