Zatrymańnie adbyłosia ŭviečary 9 lutaha, dva nastupnyja dni svajaki vyśviatlali, dzie Viačasłaŭ Łazaraŭ znachodzicca i ŭ čym jaho vinavaciać. Tolki ranicaj 11 lutaha stała viadoma, što Viačasłava trymajuć u viciebskim IČU, ale sutnaść abvinavačańnia pa-raniejšamu pad pytańniem, paviedamiła Biełaruskaja asacyjacyja žurnalistaŭ.
46-hadovaha Viačasłava Łazarava zatrymali paśla pieratrusu pa miescy prapiski. U jaho zabrali mabilnyja telefony i maleńkuju videakamieru. Taksama pieratrus siłaviki praviali pa miescy prapiski jaho žonki, tam u vyniku zabrali noŭtbuk i dva telefony.
Žonka paviedamiła pravaabaroncam, što ŭ pastanovie na pieratrus nibyta było napisana pra kryminalnuju spravu, raspačatuju suprać Viačasłava.
U 2018 i ŭ 2019 hadach Viačasłava Łazarava dvojčy karali štrafami pavodle č. 2 art. 22.9 KaAP za «niezakonny vyrab pradukcyi ŚMI». A ŭ 2020 hodzie sud Kastryčnickaha rajona Viciebska skasavaŭ spravu, raspačatuju ŭ dačynieńni da jaho pavodle taho ž artykuła.
Padčas žnivieńskich padziej 2020 hoda Łazarava taksama zatrymlivali, tady milicyjanty pratrymali jaho niekalki hadzin u IČU i vyzvalili biez składańnia pratakoła.
Kamientary