Kamitet dziaržaŭnaha kantrolu całkam spyniŭ pracu bujnoj staličnaj sietki kram, dzie pradavalisia tavary pa nizkich cenach. Nazva sietki pakul nie nazyvajecca, ale handlavała jana, jak vyhladaje, impartnym adzieńniem ci abutkam.
«Orhanami finansavych rasśledavańniaŭ Kamiteta dziaržkantrolu spynienaja niezakonnaja dziejnaść pa ŭchileńni ad vypłaty padatkaŭ ułaśnika i kiraŭnikoŭ 5 kamiercyjnych struktur, jakim naležała ŭ h. Minsku bujnaja sietka kram nizkaha cenavaha siehmientu (uklučała ŭ siabie 11 handlovych abjektaŭ) pa prodažy tavaraŭ lohkaj pramysłovaści», — havorycca ŭ paviedamleńni Kamiteta dziaržaŭnaha kantrolu.
Pavodle infarmacyi viedamstva, kiraŭnictva hetych kram, kab abyści padatki, arhanizavała schiemu, jakaja dazvoliła chavać značnuju častku vyručki: hrošy, atrymanyja ad pakupnikoŭ, nie prabivalisia praz kasavyja aparaty.
Akramia taho, taki miechanizm nibyta stvaraŭ «niadobrasumlennuju kankurencyju» biełaruskim vytvorcam tavaraŭ lohkaj pramysłovaści, padkreślili ŭ kamitecie.
Taksama ŭ kramach hetaj sietki dla lehalizacyi tavaraŭ nibyta vykarystoŭvalisia fiktyŭnyja dakumienty ab ich nabyćci ŭ padkantrolnych ułaśniku handlovych abjektaŭ, choć na samaj spravie tavary zakuplalisia za najaŭny raźlik. Pry hetym na bolšaść ź ich nie było abaviazkovych dakumientaŭ ab jakaści.
Akramia taho, ź cieniavoj vyručki rabotnikam handlovych abjektaŭ vypłačvałasia zarabotnaja płata «ŭ kanviertach», jakuju nibyta atrymlivali bolš za 150 čałaviek.
Ciapier dziejnaść sietki całkam prypynienaja, a pa vyjaŭlenych faktach raspačatyja kryminalnyja spravy.
-
Novaje pakaleńnie hiendyrektaraŭ: moładź i daloka nie «krepkija chaziajśćvieńniki» masava ŭznačalvajuć tryljonnyja biznesy
-
Nie tolki Hrodna. Stała viadoma, u jakich jašče haradach Biełarusi źjavicca taksi Bro Car
-
U Centralnuju i Uschodniuju Jeŭropu ciakuć miljardy: rekordnyja inviestycyi, niahledziačy na niavyznačanaść
Kamientary