Navat na niadaŭniaje pasiedžańnie Viarchoŭnaha suda pa spravie ab štrafach jon pryjechaŭ na rovary tolki ŭ adnych botach.
Viarchoŭny sud Ispanii ŭstaŭ na bok 29-hadovaha Alechandra Kałamara i źniaŭ ź jaho štrafy za chadžeńnie pa vulicy biez adzieńnia. Pra heta 3 lutaha napisała ahienctva Reuters.
Mužčyna ź nievialikaha ispanskaha miastečka Ałdaja ŭ Valensii jašče ŭ 2020-m hodzie pryniaŭ rašeńnie chadzić hołym. Alechandra nie raz atrymlivaŭ štrafy, ale usio roŭna praciahvaŭ tak rabić i adstojvać svaje pravy.
Navat na niadaŭniaje pasiedžańnie Viarchoŭnaha suda pa spravie ab štrafach jon pryjechaŭ na rovary tolki ŭ adnych botach, što trapiła na videa. Ale dla ŭdziełu ŭ sudzie mužčynu na ŭvachodzie ŭsio ž prymusili apranucca.
«Štrafy nie majuć nijakaha sensu. Jany abvinavacili mianie ŭ nieprystojnym ekshibicyjaniźmie. Pavodle słoŭnika, heta maje na ŭvazie seksualnyja namiery, a heta nie maje ničoha supolnaha z tym, što ja rabiŭ», — skazaŭ Alechandra ŭ intervju Reuters.
Mužčyna ŭ sudzie zajaviŭ, što štrafy ŭciskajuć jaho «svabodu dumki», a sam Viarchoŭny sud Valensii pryznaŭ najaŭnaść u ispanskim zakanadaŭstvie «pravavoha vakuumu» ŭ śfiery rehulavańnia publičnaha nudyzmu i pastanaviŭ, što pavodziny Alechandra nie parušajuć hramadskaha paradku.
Sam publičny nudyzm u Ispanii byŭ aficyjna dazvoleny jašče ŭ 1988 hodzie. Ale ŭ niekatorych rehijonach, jak, naprykład, u Barsiełonie i Valjadalidzie, isnujuć svaje ŭłasnyja praviły, jakija rehulujuć i abmiažoŭvajuć prajavy nudyzmu.
U vypadku z Valensijaj i Ałdajaj u miascovym zakanadaŭstvie niama dakładnaha dazvołu, ale i niama vyraznaj zabarony chadzić pa vulicach biez adzieńnia.
Čytajcie jašče:
U Partuhalii žyvie samy stary sabaka ŭ śviecie. Jamu 30 hadoŭ
Jak maładyja ludzi šukajuć siabroŭ u sučasnym śviecie
«Naniesła mnie emacyjnuju traŭmu i vyklikała depresiju». Mužčyna padaŭ u sud na siabroŭku z-za admovy stać jaho dziaŭčynaj
-
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku
-
Jakuju došku dla narezki vybrać — draŭlanuju ci płastykavuju? Što kažuć śpiecyjalisty
-
82‑hadovaja amierykanskaja babula dabiłasia, kab u damach sastarełych padavali ałkahol
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary