U Partuhalii žyvie samy stary sabaka ŭ śviecie. Jamu 30 hadoŭ
U čaćvier, 2 lutaha, Kniha rekordaŭ Hinesa zafiksavała najstarejšaha sabaku ŭ śviecie. Im staŭ 30-hadovy Bobi z Partuhalii.
Partuhalec abnaviŭ rekord usiaho praz dva tydni, paśla taho jak samym starym sabakam abviaścili Spajka.
«Praz dva tydni paśla taho, jak Spajka abviaścili najstarejšym sabakam u śviecie, Kniha rekordaŭ Hinesa atrymała infarmacyju adnosna značna bolš staroha sabaki. Nasamreč, Bobi nie prosta samy stary sabaka z usich žyvych, jon samy stary sabaka ŭ historyi», — piša pres-słužba knihi.
Adznačajecca, što Bobi — čystakroŭny rafiejra da alentecha (partuhalskaja paroda sabak). Jon naradziŭsia 11 maja 1992 hoda. Ciapier sabaku 30 hadoŭ i 269 dzion. Zvyčajna siaredniaja praciahłaść žyćcia ŭ takich sabak 12-14 hadoŭ.
Uładalnik rekardsmiena ličyć, što adnym z hałoŭnych faktaraŭ daŭhalećcia žyvioły źjaŭlajecca «spakojnaje i mirnaje žyćcio ŭdalečyni ad horada». Bobi padabajecca svabodna hulać pa lasach i sielskahaspadarčych uhodździach. Jon nikoli nie byŭ na łancuhu. Susiedzi i siabry siamji apisvajuć sabaku jak vielmi tavaryskaha.
Ciapier Bobi ciažka chadzić i bolšuju častku času jon pravodzić na zadnim dvary z čatyrma katami. Zrok Bobi taksama pahoršyŭsia.
Ciapier čytajuć
Miaža Biełarusi ź Litvoj budzie zakryta minimum da sierady10
Kamientary
sobaki živut v sriedniem 15 let, a ja živu užie 3 sobaċju žizń, značit hriech žałovaťsia