Ministr ličbavaj transfarmacyi Ukrainy Michaił Fiodaraŭ pakazaŭ, jak pracuje novaja sistema pierachopu, jakaja składajecca sa srodkaŭ radyjoelektronnaj baraćby i dronaŭ Fortem DroneHunter F700, što zajmajucca niepasrednym pryziamleńniem rasijskich i iranskich bieśpiłotnikaŭ.
Pa słovach ministra ličbavaj transfarmacyi Ukrainy Michaiła Fiodarava, u krainie źjavilisia pieršyja «łaŭcy šachiedaŭ» — samyja sučasnyja sistemy procidziejańnia varožym bieśpiłotnikam, jakija stajać na ŭzbrajeńni ZŠA i abaraniajuć amierykanskija stratehičnyja abjekty. Usiaho va Ukrainu dastaŭlena šeść takich sistem.
Taksama jon dadaŭ, što ciapier «łaŭcy šachiedaŭ» užo pastaŭlenyja na abaronu ŭkrainskaj enierhietyčnaj infrastruktury.
«Kompleks radaraŭ i srodkaŭ hłušeńnia sihnału dapamahaje vyjaŭlać i błakavać varožyja BPŁA, a taksama vypuskaje svaje ŭłasnyja drony. Fortem DroneHunter F700 — aŭtanomny dron z radyjołakacyjnym kiravańniem i štučnym intelektam. Jon lacić na chutkaści bolš za 100 km/h, pierachoplivaje i pryziamlaje varožyja bieśpiłotniki», — napisaŭ Fiodaraŭ u svaim telehram-kanale.
https://t.me/zedigital/2827
Videa: telehram-kanał Fedorov
Nahadajem, što Rasija ŭ vajnie suprać Ukrainy vykarystoŭvaje iranskija bieśpiłotniki «Šachied», jakija z vosieni 2022 hoda atakujuć ukrainskija enierhietyčnyja abjekty, vyklikajučy ŭ haradach pieraboi z aśviatleńniem i vodazabieśpiačeńniem.
Čytajcie jašče:
Bloomberg: Pucin rychtuje novy nastup na Ukrainu, vajna moža zaciahnucca na hady
«Našym budzie ciažka, bo «Armata» — mif». Strałkoŭ prakamientavaŭ pieradaču tankaŭ Ukrainie
Bieły dom: Našy tanki dapamohuć Ukrainie vyzvalić usiu svaju terytoryju. A Krym — heta Ukraina
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary