Jak u druhim «Terminatary»: navukoŭcy stvaryli robata, zdolnaha pieratvaracca ŭ vadkaść i naadvarot
Čałaviekapadobny robat moža prachodzić u samyja ciažkadastupnyja miescy.
Daśledčyki z Kitajskaha ŭniviersiteta Hankonha i ŭniviersiteta Karnehi-Mełana ŭ Pitsburhu raspracavali maleńkaha čałaviekapadobnaha robata z vadkaha mietału, jaki zdolny mianiać svaju formu. Adpaviednaje daśledavańnie było apublikavana 25 studzienia ŭ časopisie Matter.
Zhodna ź im, robat moža pieraskokvać cieraź pieraškody, karaskacca pa ścienach i padzialacca napałovu, kab dźvie jaho častki mahli pracavać razam dla pierasoŭvańnia roznych abjektaŭ, pierš čym znoŭ złučycca razam. Taksama jaho možna vykarystoŭvać jak pravadnik elektryčnaści.
Stvaralniki robata natchnialisia marskim ahurkom — žyviołaj, jakaja moža źmianiać žorstkaść svaich tkanak. Robat, vyšynioj mienšy za santymietr i padobny da čałaviečka z Lego, zrobleny z haliju i mikraskapičnych kavałačkaŭ mahnitnaha materyjału, jaki składajecca ź nieadymu, žaleza i boru.
Sam halij zdolny płavicca pry tempieratury 30°S, a kali dadać da jaho mahnitnyja čaścinki, to jon stanovicca bolš adčuvalnym da źmien u mahnitnym poli i chutčej mianiaje svoj ahrehatny stan. Taksama pry dapamozie maleniečkich mahnitaŭ robat moža ruchacca.
Navukoŭcy prademanstravali videa, na jakim bačna, jak robat, pieratvarajučysia ŭ vadkaść, pieraadolvaje pieraškodu ŭ vyhladzie rašotki, paŭtarajučy scenu z kultavaha filma «Terminatar 2». Darečy, videa było śpiecyjalna źniata takim čynam, kab addać daninu pavahi błokbastaru z 90-ch.
«Hety miechanizm šmatfunkcyjanalny: robata možna vykarystoŭvać dla dastaŭki lekaŭ u arhanizm čałavieka ci dla składanych budaŭničych rabot. Naprykład, jon u vadkim stanie moža praśliznuć u raźbovuju adtulinu i zatym, zaćviardzieŭšy, pieratvarycca ŭ šrubu», — skazana ŭ daśledavańni.
Navukoŭcy adznačajuć, što pakul taki robat znachodzicca na stadyi dapracoŭki, adnak jany ŭpeŭnienyja ŭ jaho budučym vykarystańni ŭ bijamiedycynie.
Čytajcie jašče:
Navukoŭcy zmahli spynić praces stareńnia ŭ myšej i navučylisia kiravać hetym pracesam. A što nakont ludziej?
Ziamnoje jadro, mahčyma, źmianiła kirunak ruchu. Jak heta paŭpłyvaje na našu płanietu?
Rasijski błohier Wylsacom zrabiŭ ahlad «biełaruskaha makbuka»
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik9
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje33
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje3
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary