Rasijski błohier Wylsacom zrabiŭ ahlad «biełaruskaha makbuka»
Adzin z samych papularnych błohieraŭ ruskamoŭnaha siehmienta jutuba, ahladalnik hadžetaŭ i techniki Wylsacom źviarnuŭ uvahu na pieršy biełaruski noŭtbuk i zrabiŭ jaho «raspakoŭku». «Kampjutar, jaki nie rasčaravaŭ», — padsumavaŭ błohier. Ahlad jon zrabiŭ u studyi čyrvona-zialonych koleraŭ.
U Rasii ŭžo možna kupić noŭtbuk H-book 15 MAK4, tak nazyvajecca noŭtbuk ad «Haryzonta». Praŭda, zrabić heta «niaprosta», na «Jandeks Markiet» jaho niama. Pa słovach błohiera, možna zamović na sajcie vytvorcy — techniku dastaviać kurjeram. Sam jon pajechaŭ na skład u Zielenahrad pa noŭtbuk.
Wylsacom kupiŭ «biełaruski makbuk» za 43 tysiačy rasijskich rubloŭ, heta kanfihuracyja na Core-i3, SSD 256 HB, z Windows, 8 hihoŭ apieratyŭnaj pamiaci. «To-bok, heta taki bazavy ŭzrovień», — kaža jon.
«Davajcie hladzieć absalutna niepraduziatym pozirkam, nakolki heta kankurentazdolny pradukt», — anansavaŭ błohier. Amal ničoha ŭ jaho nie vyklikała pytańniaŭ.
Błohier adznačyŭ vialiki pieralik servisnych centraŭ, jakaść upakoŭki, «jak u makbuka». Sini koler noŭtbuka jaho spačatku ździviŭ, ale potym spadabaŭsia. Taksama jon skazaŭ, što kłavijatura «kamfortnaja», łakalizavanaja, huk niadrenny, «bołciki ŭsie na miescy, sabrana dobra, luftaŭ niama».
«Jak bazavy kampjutar dla pracy z tekstami, internetam, niejkimi prostymi zadačami typu fatahrafii pakrucić, hetaj mašyny bolš čym chopić. Kłavijatura pryhožaja, padśvietka jość, dyzajn adekvatny, vinda staić — što jašče treba?» — kaža błohier.
Toje, što ŭ noŭtbuku, sa słoŭ vytvorcy, 12% biełaruskaha, jaho nie biantežyć: «Siońnia nivodnaja kraina śvietu nie moža sabrać 100% aryhinalny ajčynny kampjutar».
Adzinaja pretenzija — cana, «darahavata».
«Heta pradukt, za jaki nie soramna, ale pytańnie ŭ canie. Na jaho cana dobraja, ale kitajcy nastolki žorstka dempinhujuć, što jany prapanujuć rašeńni bolš daskanałyja. 30—35 tysiač rubloŭ [rasijskich], heta byŭ by naohuł top, mastchev u hetym siehmiencie, prosta jak kampjutar, praź jaki ty chodziš u internet i naciskaješ knopki».
U sacsietkach praca błohiera vyklikała rezanans.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary