Depresija — adna z samych niebiaśpiečnych chvarob našaha času, i prykmiety jaje možna zaŭvažyć pa pocisku ruki.
Kab vyśvietlić heta, navukoŭcy z bujnoha Univiersiteta Jonse, što ŭ Paŭdniovaj Karei, vyvučyli stan zdaroŭja bolš čym 51 tysiačy paddoślednych. Jany ŭstanavili, što tyja ludzi, jakija słabiej paciskali ruku inšamu čałavieku, u try razy čaściej majuć schavanuju depresiju, čym tyja, chto paciskaje ruku mocna, piša Daily Mail.
Spačatku miedyki zarehistravali, ź jakoj siłaj kožny z paddoślednych paciskaŭ ruku, a potym adpravili ŭdzielnikaŭ daśledavańnia na acenku psichičnaha zdaroŭja. Padčas jaho ludzi ŭ tym liku adkazvali, nakolki im adpaviadajuć vykazvańni nakštałt «Mianie turbujuć rečy, praź jakija ja zvyčajna nie chvalujusia» ci «Mnie zdavałasia, što ŭsio, što ja rabiŭ, było dla mianie ciažkim».
Vyjaviłasia, što ludzi sa słabiejšym pociskam ruki ŭ try razy čaściej pahadžalisia z hetymi śćvierdžańniami, jakija časta charaktaryzujuć čałavieka, chvoraha na depresiju. Pryčyna hetaha niezrazumiełaja, ale adna z teoryj zaklučajecca ŭ tym, što słaby pocisk ruki moža śviedčyć pra paharšeńnie ahulnaha fizičnaha stanu, jaki vyklikany adsutnaściu fizičnaj aktyŭnaści — źjavaj, jakaja časta maje miesca padčas depresii.
Raniej užo było viadoma, što siła pocisku ruki daje mahčymaść zrazumieć, ź jakoj imaviernaściu ŭ pacyjenta zdarycca demiencyja, infarkt i navat erektylnaja dysfunkcyja.
Kamientary
a jeśli nie pomył, to eto tak i nado?