ZŠA ŭhavaryli sajuźnikaŭ pakul nie rabić bolš strohimi naftavyja sankcyi suprać Rasii
ZŠA, jakija ŭ śniežni pierakanali Jeŭropu źmiakčyć naftavyja sankcyi suprać Rasii pierad samym ich ustupleńniem u siłu, zdoleli adhavaryć ES i ad zapłanavanaha na luty ŭzmacnieńnia strohaści hetych sankcyj, tak jak Vašynhton aścierahajecca rezkaha skačka cen na naftu i naftapradukty ŭ vypadku maštabnych pierabojaŭ u pastaŭkach z Rasii, paviedamlaje Bi-bi-si.
Havorka idzie pra tak zvanuju stol cen na rasijskuju naftu. Krainy «Vialikaj siamierki» i ES uviali jaje ŭ śniežni adnačasova ź jeŭrapiejskim embarha na marskija pastaŭki nafty z Rasii. Stol ustalavali na ŭzroŭni 60 dalaraŭ za baral.
Tak jak rasijskaja nafta hatunku Urals kaštavała z taho času tańniej, prymianiać stol nie daviałosia. Niekatoryja jeŭrapiejskija krainy, u pieršuju čarhu Polšča, Litva i Estonija, patrabavali panizić jaje.
Pieršy šaniec zrabić heta pavinien byŭ źjavicca ŭžo ŭ siaredzinie lutaha, bo krainy «Vialikaj siamiorki» i ES damovilisia pierahladać stol raz na dva miesiacy i ŭstaloŭvać jaje minimum na 5% nižej za biahučuju rynkavuju canu.
Adnak ZŠA ŭhavaryli sajuźnikaŭ adkłaści hety pierahlad da siaredziny sakavika, pišuć Reuters i Bloomberg.
Adterminoŭka daść čas acanić nastupstvy jašče adnaho jeŭrapiejskaha embarha na kuplu i transparciroŭku rasijskich naftapraduktaŭ. Jano ŭstupaje ŭ siłu 5 lutaha. Na naftapradukty, jak i na naftu, budzie ŭviedzienaja svaja stol cen. Jaje pačnuć abmiarkoŭvać na nastupnym tydni.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy9
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary