Minabarony: Rehijanalnaja hrupoŭka vojskaŭ hatovaja da «abarony Sajuznaj dziaržavy»
Rehijanalnaja hrupoŭka vojskaŭ u vyniku bajavoha zładžvańnia hatovaja da abarony Sajuznaj dziaržavy. Pra heta zajaviŭ žurnalistam namieśnik ministra abarony Andrej Žuk na Abuz-Lasnoŭskim palihonie pad Baranavičami.
Jon nahadaŭ, što ŭ adpaviednaści z rašeńniem kiraŭnikoŭ Biełarusi i Rasii z kanca kastryčnika 2022 hoda na terytoryi Biełarusi pravodzicca padrychtoŭka i zładžvańnie sumiesnaj rehijanalnaj hrupoŭki vojskaŭ. Sioleta jaje asablivaściu stała toje, što vajskoŭcy abiedźviuch krain zajmalisia pa adzinych prahramach, byli zadziejničanyja adny i tyja ž instruktary jak z boku Rasii, tak i z boku Biełarusi.
«Metavaja ŭstanoŭka była na adzinočnuju padrychtoŭku. U pieršuju čarhu — navučyć aficera i sałdata dziejańniam u roznych vidach boju. Padrychtoŭka ažyćciaŭlałasia pa takich asnoŭnych napramkach, jak taktyčnaja navučanaść, ahniavaja vyvučka, umieńnie akazać pieršuju miedycynskuju dapamohu, tak zvanaja taktyčnaja miedycyna, a taksama rabiŭsia ŭpor na inžyniernuju padrychtoŭku», — rastłumačyŭ namieśnik ministra.
«Paśla taho, jak my pierakanalisia, što našy vajskoŭcy hatovyja, my prystupili da zładžvańnia ekipažaŭ, raźlikaŭ, uzvodaŭ, rot. Na kožnym etapie pravodzili dosyć šmat kompleksnych zaniatkaŭ, bajavych strelbaŭ, taktyčnych vučeńniaŭ. Na siońnia možna kanstatavać, što rehijanalnaja hrupoŭka vojskaŭ da abarony Sajuznaj dziaržavy hatovaja», — padkreśliŭ Andrej Žuk.
Pavodle jaho słoŭ, u dalejšym padrychtoŭka rehijanalnaj hrupoŭki budzie taksama ŭdaskanalvacca, u tym liku na ŭzroŭni mižvidavych padraździaleńniaŭ.
Pa-raniejšamu pakul niajasna, ci sapraŭdy Alaksandr Łukašenka rychtujecca ŭstupić u vajnu. Heta moža być i supolnaja z Maskvoj apieracyja adciahvańnia siłaŭ, kab prymusić ukrainskaje kamandavańnie trymać značnyja siły na biełaruskaj miažy i tym samym maksimalna asłabić ukrainskuju apieracyju na poŭdni.
Łukašenka — rasijskim vajskoŭcam: Ahulnuju spravu robim
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć44
Kamientary