Ciapier Google Voice budzie papiaredžvać vas pra mahčymyja spam-zvanki

Google abviaściŭ, što dadaje čyrvonaje papiaredžańnie «Abanient, jaki padazrajecca ŭ spamie» da vyklikaŭ Google Voice, kali ličyć, što jany niepravamiernyja. U svaim paviedamleńni kampanija zajaŭlaje, što identyfikuje spam «z dapamohaj toj ža pieradavoj sistemy štučnaha intelektu», jak i z tradycyjnym telefonnym dadatkam dla Android.

Kali źjavicca mietka spamu, u vas taksama budzie mahčymaść paćvierdzić, što zvanok byŭ spamam, — u hetym vypadku lubyja budučyja vykliki z paznačanaha numara buduć adpraŭlacca prosta na vašu hałasavuju poštu. Hetak ža budzie mažlivaść udakładnić, što zvanok nie byŭ spamavym, — heta pazbavić abanienta ad čyrvonaj mietki dla budučych zvankoŭ.

U Google Voice mnohija hady była mahčymaść aŭtamatyčna nakiroŭvać vykliki, identyfikavanyja jak spam, na hałasavuju poštu, a taksama praviarać vykliki pierad tym, jak ich prymać. Ale hetyja paramietry, mahčyma, nie vielmi pasujuć, kali vy atrymlivajecie šmat važnych zvankoŭ ź nieviadomych numaroŭ. Google kaža, što vam treba budzie ŭklučyć funkcyju filtracyi spamu, pierajšoŭšy ŭ Nałady > Biaśpieka > Filtravać spam (Settings > Security > Filter spam), kali vy chočacie, kab funkcyja pracavała.

Papiaredžańni pra spam buduć dastupnyja dla ŭsich, chto maje ŭlikovy zapis Google Voice, i, pavodle danych kampanii, vy pavinny ŭbačyć ich užo da 13 studzienia.

The Verge paviedamlaje, što Google daje niekatorym karystalnikam Voice jašče bolš mahčymaściaŭ dla baraćby sa spamam. Tak, jość niekatoryja pašyranyja funkcyi dla karystalnikaŭ telefonaŭ Pixel — u pryvatnaści, mahčymaść prymusić Google Assistant kantralavać zvanok.

Filtravańnie vyklikaŭ pracuje nastupnym čynam: kali vam telefanuje čałaviek, jakoha niama ŭ vašym śpisie kantaktaŭ, aproč knopak dla pryniaćcia ci adchileńnia vykliku, u vas źjaŭlajecca dadatkova knopka «Pravieryć vyklik» («Screen call»). Kali vy naciśniecie na jaje, abanient atrymaje hukavoje paviedamleńnie z prośbaj skazać, chto jon i čamu telefanuje. Rasšyfravany tekst paviedamleńnia i adkaz źjaviacca na vašym ekranie. Zatym vy možacie vybrać, chočacie vy adkazvać na vyklik ci nie. Pakul takaja funkcyja isnuje tolki dla karystalnikaŭ smartfonaŭ Pixel 6 i Pixel 6 Pro, i nieviadoma, ci zrobić kampanija takuju ​​fłahmanskuju funkcyju dla ŭsich telefonaŭ Android bieskaštoŭnaj.

• 3
• 0
• 0
• 0
• 0
• 1
• 0
• 0