Zarobak Aliny Kabajevaj za hod skaraciŭsia ŭ dva razy. Ale jana atrymlivaje ŭ 15 razoŭ bolš za Pucina
Kanału «Možiem objaśniť» ŭdałosia aznajomicca z dekłaracyjaj ab dachodach alimpijskaj čempijonki i kiraŭnika savieta dyrektaraŭ «Nacyjanalnaj Miedyja Hrupy» Aliny Kabajevaj. Z dakumientaŭ vynikaje, što ŭ 2021 hodzie zarpłata Kabajevaj ŭ NMH skłała 155,4 młn rasijskich rubloŭ (2,2 młn dalaraŭ).
U jaje taksama jość nievialikija ŭkłady ŭ dvuch bankach. Ich ahulnaja suma składaje kala 335 tysiač rubloŭ (kala 4785 dalaraŭ).
U vypiscy taksama jość infarmacyja, što Kabajeva znachodzicca na ŭliku ŭ Inśpiekcyi padatkovaj słužby Centralnaha rajona. Tam, u domie na Pračyściency žyvie maci alimpijskaj čempijonki — Luboŭ Kabajeva. Joj naležyć 260-mietrovaja kvatera koštam prykładna 600 młn rubloŭ (8,5 młn dalaraŭ). Ličycca, što mienavita ŭ hety dom Bułhakaŭ «pasialiŭ» prafiesara Praabraženskaha.
Zarpłata Kabajevaj u NMH skača z hoda ŭ hod. U 2018-m jana zarabiła tam 785 młn rubloŭ. U 2019-m suma vypłat źniziłasia da 55,4 młn, a za 2020-ty jaje zarobak dasiahnuŭ 300 młn.
Kabajeva pry hetym atrymlivaje ŭ razy bolš, čym u Dziarždumie. Tak, u 2013-m jana zarabiła ŭ parłamiencie ŭsiaho 10 młn rasijskich rubloŭ. Ale dachody kiraŭnictva NMH, u tym liku i Kabajevaj, chavajuć. U apošniaj buchhałtarskaj spravazdačnaści za 2020 hod adsutničała infarmacyja ab pamiery ŭznaharodžańniaŭ top-mieniedžaram kampanii. Ciapier hetych finansavych dakumientaŭ niama ŭ adkrytym dostupie — ułady začyścili rejestry. Ale śviežyja ličby zastalisia ŭ sistemie SPARK. Na padstavie ich možna mierkavać, što ŭ pieradvajenny hod prybytak NMH vyras z 9 da 237 młn rasijskich rubloŭ.
U chołdynh «Nacyjanalnaja Miedyja Hrupa» ŭvachodziać hałoŭnyja prapahandysckija resursy Rasii: Pieršy kanał, «Viesti», RIEN TV (z-za vajny jany zabłakavanyja ŭ mnohich krainach, a suprać NMH i Kabajevaj ŭviedzienyja sankcyi).
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary