Infarmacyju pra toje, dzie ŭ Daniecku znachodziŭsia eks-kiraŭnik «Raskosmasa» Dźmitryj Rahozin, «niechta źliŭ». Takoje mierkavańnie sam Rahozin vykazaŭ u svaim telehram-kanale.
Napiaredadni Rahozin byŭ paranieny pry abstrele haścinicy i restarana ŭ Daniecku, dzie jon adznačaŭ svoj dzień naradžeńnia. Razam ź im ranieńnie taksama atrymaŭ premjer «DNR» Vital Chacenka.
Pa słovach Rahozina, heta była «pracoŭnaja sustreča, vuzkim kołam i ŭ spakojnaj abstanoŭcy». «U hetaj haścinicy my žyli ŭsie apošnija miesiacy, i za 8 hadoŭ supiernik ni razu nie abstrelvaŭ heta miesca. Chtości źliŭ infarmacyju, i kala 19:45 adbyłosia niekalki vysokadakładnych trapleńniaŭ, u tym liku ŭ miesca, dzie my niepasredna znachodzilisia. Bili kalibram 120 abo 155 mm», — raspavioŭ jon, dadaŭšy, što vyznačyć, chto «źliŭ infarmacyju», śledstva.
«U mianie ranieńnie, mietaličny askiepak pamieram 3×4 mm uvajšoŭ vyšej pravaj łapatki. Treba budzie apieracyja. Paciarpieli jašče niekalki blizkich mnie ludziej», — dadaŭ Rahozin.
Taksama viadoma, što askiepak vyciahnuć nie atrymajecca.
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik2
Kamientary