Žurnalist Ihar Kaźmiarčak: Nie viedaju, čym ja tak moh abrazić samaha niaščasnaha čałavieka ŭ Biełarusi
Biełaruski žurnalist, redaktar vydańnia orsha.eu Ihar Kaźmiarčak abvieščany ŭ miždziaržaŭny vyšuk za abrazu Łukašenki. Dla «Radyjo Unet» jon prakamientavaŭ hetu navinu.
Pra pahrozu abviaščeńnia ŭ vyšuk žurnalistu raniej kazała śledčaja, jakaja źviazvałasia ź im praz telehram i namahałasia vyklikać jaho na dopyt. Zapytvała, dzie jon, kali pryjedzie. Jon adkazaŭ, što z ulikam padziej na froncie, moža, i da novaha hoda pryjedzie. Na hetym dopyt praz telehram skončyŭsia.
Ihar Kaźmiarčak kaža, što ščyra nie viedaje, čym moh abrazić Łukašenku i ad čaho toj adčuvaje siabie niaščasnym. Materyjały spravy žurnalist nie bačyŭ. Ale maje zdahadku, što pieraśled moža być źviazany ź jahonymi błohami z zony bajavych dziejańniaŭ.
Ihar sustreŭ vajnu 24 lutaha ŭ Čarnihavie i, pakul hetyja terytoryi nie zvolnili ad akupantaŭ, znachodziŭsia tam.
Z pačatkam akupacyi jon pačaŭ vieści videabłoh «Dziońniki z zony bajavych dziejańniaŭ», u jakim raspaviadaŭ pra ŭsio, što adbyvałasia ŭ horadzie. Mahčyma, padčas adnaho z takich strymaŭ i prahučali vykazvańni, jakija mahli być rascenienyja jak abraza.
Tam hučali mierkavańni nakont udziełu biełaruskaj armii ŭ hetaj vajnie. A taksama mierkavańni ab tym, što ŭ Łukašenki zastałosia suvierenitetu tolki na toje, kab u roznych kaściumčykach jeździć pa fiermach i nieści nikomu nie patrebnuju achinieju. Moža, dzieści ŭ hetym śpičy i było skazana toje, što mahło pakryŭdzić samaha niaščasnaha čałavieka ŭ Biełarusi, miarkuje žurnalist.
Novy status čałavieka ŭ vyšuku nijak nie paŭpłyvaje na žyćcio Ihara Kaźmierčaka, bo vyšuk abvieščany ŭ miežach SND. A pa jahonych słovach, u Rasii za svajo žyćcio jon byŭ tolki čatyry razy, a zaraz tym bolš nie płanuje naviedvać hetuju krainu. Tamu nastroj rabočy, narmalny. Tolki ź siabrami źjavilisia novyja žarty nakont taho, što, u adroźnieńnie ad mnohich, Kaźmiarčak praź pieraśled režymam vyjšaŭ na mižnarodny ŭzrovień.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary