Jak stała viadoma «Našaj Nivie», kamiery Ivacevickaha RAUS, pryznačanyja dla ŭtrymańnia ludziej, zatrymanych za administracyjnyja spravy, pierapoŭnienyja. My pakul nie viedajem, ci źviazana heta sa spravaj strałkovych kłubaŭ, jakuju łukašenkaŭcy raskručvajuć u abłasnym centry.
Na hetym tydni čytačy «Našaj Nivy» paviedamlali pra chvali zatrymańniaŭ u Breście i Bresckaj vobłaści.
U pryvatnaści, masava zatrymlivali kiroŭcaŭ-dalnabojnikaŭ. Zatrymlivali taksama ludziej, jakich sudzili pa artykule 23.34 u 2020 hodzie. Praciahvajuć zatrymlivać i randomna: u pošukach biełaruskaj i ŭkrainskaj simvoliki, pierapostaŭ ź niezaležnych resursaŭ, kantaktaŭ ź niezaležnymi strukturami.
Ëść i inšaja linija zatrymańniaŭ. Pa infarmacyi «Našaj Nivy», Kamitet dziaržaŭnaj biaśpieki ŭ Breście lepić anałah spravy «Biełaha lehijona» — sprabuje dakazać, što miascovyja hurtki pa navučańni stralbie rychtavali ludziej da paŭstańnia suprać dyktatury.
Nahadajem, što sprava «Biełaha lehijona» ŭ 2017 hodzie była šytaja biełymi nitkami i razvaliłasia. Imavierna, jana była prydumanaja, kab zastrašyć narod padčas pratestaŭ «niedarmajedaŭ».
Naša infarmacyja pra łohiku zatrymańniaŭ na Bieraściejščynie pakul frahmientarnaja.
U pryvatnaści, jak stała viadoma «Našaj Nivie», kamiery Ivacevickaha RAUS, pryznačanyja dla ŭtrymańnia ludziej, zatrymanych za administracyjnyja spravy, pierapoŭnienyja. Izalatar «zabity, ažno siadzieć nie było dzie», — raskazvaje čałaviek.
Kali vy majecie bolš infarmacyi pra kolkaść i łohiku zatrymańniaŭ, napišycie nam u @nasa_niva_bot ci na [email protected]. Albo asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆUsiaho ŭ Biełarusi z 2020 hoda zaviedziena da 12 tysiač palityčna matyvavanych kryminalnych spraŭ, ich fihurantami stali dziasiatki tysiač ludziej. Nie mienš za 50 tysiač čałaviek prajšli praz administracyjnyja zatrymańni. Dakładnyja ličby nieviadomyja. Z prapahandy, jakoj supravadžajucca represii, vynikaje, što łukašenkaŭcy pomściać za 2020 hod i chočuć dabicca, kab biełarusy bolš nikoli nie patrabavali svabodnych vybaraŭ i prava naroda samomu vybirać uładu. Takich masavych represij za apošnija paŭstahodździa nie viedała nivodnaja kraina Jeŭropy.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA124
Kamientary
A eto vidimo prievientivnyje kontrmiery.