Як стала вядома «Нашай Ніве», камеры Івацэвіцкага РАУС, прызначаныя для ўтрымання людзей, затрыманых за адміністрацыйныя справы, перапоўненыя. Мы пакуль не ведаем, ці звязана гэта са справай стралковых клубаў, якую лукашэнкаўцы раскручваюць у абласным цэнтры.
На гэтым тыдні чытачы «Нашай Нівы» паведамлялі пра хвалі затрыманняў у Брэсце і Брэсцкай вобласці.
У прыватнасці, масава затрымлівалі кіроўцаў-дальнабойнікаў. Затрымлівалі таксама людзей, якіх судзілі па артыкуле 23.34 у 2020 годзе. Працягваюць затрымліваць і рандомна: у пошуках беларускай і ўкраінскай сімволікі, перапостаў з незалежных рэсурсаў, кантактаў з незалежнымі структурамі.
Ëсць і іншая лінія затрыманняў. Па інфармацыі «Нашай Нівы», Камітэт дзяржаўнай бяспекі ў Брэсце лепіць аналаг справы «Белага легіёна» — спрабуе даказаць, што мясцовыя гурткі па навучанні стральбе рыхтавалі людзей да паўстання супраць дыктатуры.
Нагадаем, што справа «Белага легіёна» ў 2017 годзе была шытая белымі ніткамі і развалілася. Імаверна, яна была прыдуманая, каб застрашыць народ падчас пратэстаў «недармаедаў».
Наша інфармацыя пра логіку затрыманняў на Берасцейшчыне пакуль фрагментарная.
У прыватнасці, як стала вядома «Нашай Ніве», камеры Івацэвіцкага РАУС, прызначаныя для ўтрымання людзей, затрыманых за адміністрацыйныя справы, перапоўненыя. Ізалятар «забіты, ажно сядзець не было дзе», — расказвае чалавек.
Калі вы маеце больш інфармацыі пра колькасць і логіку затрыманняў, напішыце нам у @nasa_niva_bot ці на [email protected]. Альбо асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
«Наша Нiва» — бастыён беларушчыны
ПАДТРЫМАЦЬУсяго ў Беларусі з 2020 года заведзена да 12 тысяч палітычна матываваных крымінальных спраў, іх фігурантамі сталі дзясяткі тысяч людзей. Не менш за 50 тысяч чалавек прайшлі праз адміністрацыйныя затрыманні. Дакладныя лічбы невядомыя. З прапаганды, якой суправаджаюцца рэпрэсіі, вынікае, што лукашэнкаўцы помсцяць за 2020 год і хочуць дабіцца, каб беларусы больш ніколі не патрабавалі свабодных выбараў і права народа самому выбіраць уладу. Такіх масавых рэпрэсій за апошнія паўстагоддзя не ведала ніводная краіна Еўропы.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары
А это видимо превентивные контрмеры.