Biełastaččanin Łukaš Viencek stvaryŭ z LEGO padlašskuju chatu, i jaje acanili
Prajekt z kubikaŭ LEGO — «Dom z krainy adčynienych akanic» — Łukaša Vienceka ź Biełastoka maje šaniec stać ahulnadastupnym kanstruktaram. Inicyjatyva ŭžo nabrała nieabchodnyja 10 000 hałasoŭ padčas internet-hałasavańnia, i ciapier ad firmy LEGO zaležyć, ci pojdzie nabor u masavuju vytvorčaść. Heta niezvyčajnaja rekłama polskaha Padlašša, na jakim žyvie i šmat biełarusaŭ-aŭtachtonaŭ, piša Radyjo Racyja.
Prajekt «Dom z krainy adčynienych akanic» stvorany ŭ supracoŭnictvie z Padlašskaj rehijanalnaj turystyčnaj arhanizacyjaj, jakaja i vystupiła inicyjataram.
Chata LEGO — heta typova draŭlanaja chata z hankam, akanicami i azdableńniami, jana składajecca prykładna z troch tysiač detalaŭ, unutry jość pieč i mebla, a zvonku — fihurki ludziej i chatnich žyvioł.
Prajekt byŭ padadzieny na LEGO Ideas, i pry ŭmovie, što ideja nabiare 10 tysiač hałasoŭ, jon moža patrapić u masavuju vytvorčaść. Ciapier 10 tysiač hałasoŭ nabranyja, i słova za kiraŭnictvam kampanii.
Kamientary