Alaksiej Lavončyk: Krymski most prydasca ŭkraincam, kab jeździć na svaju Kubań

Ci patrebnyja hrošy na revalucyju

Alaksiej Lavončyk miarkuje, što pry vyznačeńni taho, ci mahčymaja revalucyja, nie varta sychodzić z najaŭnaści hrošaj: maŭlaŭ, my tolki pastfaktum daznajemsia, kolki jana kaštavała. Tak, resursy mohuć być patrebnyja, naprykład, dla vypłaty bastujučym pracoŭnym, ale ž tady pytańnie: jakaja častka z pracoŭnych pojdzie na strajk ščyra, a jakaja — kab zarabić dalaraŭ vypłaty? Dy i navat kali vypłacić dapamohu 100 tysiačam bastujučych pracoŭnych, u maštabach usioj ekanomiki heta nie tak značna.

Biełaruskaja miljanierka Taćciana Zareckaja raniej kazała, što pratestu dla pieramohi ŭ 2020-m patrebna b było 150 miljonaŭ dalaraŭ. Lavončyk, kali b takaja suma była, bačyć mahčymym raźmierkavać jaje na podkup siłavikoŭ: «Vy atrymajecie peŭnuju sumu, kali ŭ niejki patrebny momant vy vyklučycie telefon i źjedziecie na daču, kab pałamać łancuh pieradačy zahadaŭ». Ale dla hetaha patrebny byŭ surazmoŭca ź siłavikami na pratesnym baku, čaho nie było ŭ 2020 hodzie. Tady, kaža Lavončyk, revalucyja «była biezhałovaj, heta byŭ narodny ŭzdym, i Cichanoŭskaja reahavała [na jaho], jana nie viała heta».

«Jość bahatyja biznesmieny, jakija ciškom padtrymlivajuć pratestujučych», — kaža Lavončyk, ale pry hetym udakładniaje, što niama takoha, kab niechta moh «zalić pratest babłom». Tym nie mienš, adsutnaść hrašovaj padtrymki, na dumku Alaksieja, nie prablema, «kali ŭ ciabie jość dastatkova saśpiełaje hramadstva, hatovaje da pieramien».

«Hałoŭnaje — nie hrošy. Hałoŭnaje — toje, što hramadstva vyrašyła, što dla ich prava vybaru važniejšaje za čarku i skvarku», — padkreślivaje jon.

Čamu Nexta — nie ŚMI, a biełaruski pratest u 2020-m vyjhraŭ

Suzasnavalnik By_help zhadaŭ, što vučyŭsia ŭ adnym kłasie z Maksimam Znakam. Voś jak Lavončyk uspaminaje advakata i palitviaźnia: «Maks absalutna lohka išoŭ z usimi na kantakt, byŭ kłasny, padtrymlivaŭ usich, kali treba było. Zdarałasia, praryvałasia trochi nadmiennaści, ale, dumaju, heta byŭ tolki nalot».

Pavialičyć

Alaksiej prakamientavaŭ znakamitaje vykazvańnie Łukašenki, u jakim toj žadaŭ ukraincam mirnaha nieba. Na dumku Lavončyka, «navat z punktu hledžańnia prapahandy heta šyzafrenija». Ale ž jość u takoha pasyłu i racyjanalny bok: «Heta prosta mesedž na ŭnutranuju aŭdytoryju, moža navat mesedž na Pucina: my ž mirnyja ludzi, my nie budziem umiešvacca ŭ heta».

Kažučy pra biełaruskija niezaležnyja miedyja, Alaksiej miarkuje, što da prapahandy jany nie nabližalisia, ale robić vyklučeńni: «Chartyju» ja ŚMI nie nazyvaju, ale voś heta — prapahanda, rešta — nie. Nexta? Heta nie ŚMI, heta — žaŭtucha ź vielmi vialikim achopam, što kłasna, bo joj patrebny vielmi vialiki achop». Ale i takija resursy, jak Nexta, musiać isnavać, kaža Lavončyk: «Heta kanał raspaŭsiudu infarmacyi, kali niešta adbyvajecca, Nexta zajmaŭsia kaardynacyjaj pratestaŭ, nakolki ja razumieju».

Pavialičyć

Na pytańnie, ci prajhraŭ u 2020 hodzie biełaruski pratest, Lavončyk adkazvaje admoŭna: «Jon nie ŭziaŭ uładu, ale parušyŭ sacyjalnuju damovu pamiž Łukašenkam i narodam, tak što ŭ hetym sensie jon vyjhraŭ». Z hetaha vynikaje, na dumku Alaksieja, što łukašenkaŭskaj uładzie chutka pryjdzie kaniec: «Kali ideja pieramahła, a ideja pieramahła, to ŭ ciabie niama padtrymki ŭ naroda, a na štykach, jak skazaŭ Napaleon, možna rabić usio što zaŭhodna, tolki siadzieć na ich nielha».

Ruskaja mova jak mova akupantaŭ

U noč pierad tym, jak vyjšaŭ vypusk intervju ź Lavončykam, na Krymskim moście adbyŭsia vybuch, praź jaki abvalilisia dva praloty masta. Cikava, što ŭ hutarcy ź Mikitam Miełkazioravym Alaksiej admoŭna adkazaŭ na pytańnie, ci budzie Krymski most razburany za bližejšy hod, bo «jon prydasca ŭkraincam, kab jeździć potym na svaju Kubań».

Budučyniu Biełarusi Alaksiej bačyć u dvuch šlachach: stać abo Paŭnočna-Zachodniaj vajskovaj akruhaj, abo čaćviortaj bałtyjskaj respublikaj, i Lavončyk vystupaje za druhi šlach. Jon abhruntoŭvaje heta asablivaściami nacyjanalnaha charaktaru: «Pa mientalnaści my kudy bližejšyja da bałtaŭ, tych ža litoŭcaŭ, čym da ŭkraincaŭ. Ukraincy bolš vybuchnyja i chutčej darujuć, a my nie kryŭdzimsia vidavočna, ale my zapisvajem».

Pavialičyć

Vykazaŭsia Lavončyk i pra ruskuju movu — jon ličyć jaje ŭ ciapierašni momant movaj akupantaŭ, ale z ahavorkaj: «Ludzi, jakija vałodajuć hetaj movaj jak pieršaj, nie vinavatyja, što vałodajuć movaj akupantaŭ, tamu što ich urad vyrašyŭ, što možna ŭvarvacca ŭ susiedniuju krainu». Alaksiej paraŭnoŭvaje Brytanskuju impieryju i Rasiju i zhadvaje, što pieršaja z krain, kali ŭ joj pačalisia pracesy raspadu, zbolšaha adpuskała ad siabie svaje terytoryi. Hetym jana adroźnivajecca ad Rasii: «Rasija svaje terytoryi, byłyja ci siońniašnija, budzie ŭtrymlivać kryvioj ci sprabuje viarnuć kryvioj, jak Ukrainu». Tamu anhlijskuju movu, u adroźnieńnie ad ruskaj, nie ličać movaj akupantaŭ.

«Šedeŭr dyviersii». Jak mahli arhanizavać vybuch na Krymskim moście i čym jon pahražaje

«U nas movu adabrali, dyk chaj choć dzieci zmohuć na joj razmaŭlać». Jak adbyvałasia biełarusizacyja 1990-ch

«Kali rasijanie ŭžyvuć stratehičnuju jadziernuju zbroju, ad Rasii ničoha nie zastaniecca». Amierykanski analityk apisvaje scenaryi raźvićcia padziej, Łukašenku jon ličyć zakładnikam, a nie maryjanietkaj

• 14
• 0
• 1
• 2
• 2
• 1
• 2
• 0