Časam tart fłambe (tarte flambée) nazyvajuć francuzskim adkazam picy. Nasamreč hety adkryty piroh padobny da picy tolki tym, što jon taki ž tonki i smačny. Prydumali tart fłambe ŭ Elzasie, recept tarta duža prosty.
Fota: BBC Food
Kab zhatavać tart fłambe, vam spatrebicca:
- 250 hramaŭ prasiejanaj muki + dadatkovaja muka dla pasypańnia
- pałova čajnaj łyžki soli
- 150 mililitraŭ chaładnavataj vady
- 2 stałovyja łyžki aleju
- 160 hramaŭ vendžanaha biekonu, narezanaha na škvarki
- 250 hramaŭ samaj tłustaj śmiatany ci hustych viarškoŭ
- 1 vialikaja cybulina, tonka narezanaja
- 250 hramaŭ syru emiental, hrujer ci haŭda (treba nacierci jaho)
- paŭtary čajnyja łyžki muskatnaha arechu
- sol i mołaty čorny pierac
- Źmiašajcie ŭ miscy muku i sol, dadajcie tudy vadu i alej i zamiasicie ciesta. Pakładzicie jaho na pasypanuju mukoj pracoŭnuju pavierchniu i dobra vymiesicie. Raskačajcie ciesta ŭ dva prastakutniki.
- Kab zhatavać načynku, absmažcie skvarki na patelni, pakul ź ich nie vyciače tłušč i jany nie stanuć załacista-karyčnievymi. Vysušycie škvarki na ručniku ci papiarovaj survetcy.
- Razahrejcie duchoŭku da 230 hradusaŭ i vyścialicie papieraj dla vypiakańnia dźvie vialikija blachi. Pakładzicie na ich pramavuholniki ciesta.
- Raźmiarkujcie pa cieście śmiatanu ci hustyja viarški, pakidajučy bieź ich nievialiki bieražok ciesta z kraju. Raskładzicie pa śmiatanie ci viarškach cybulu i škvarki, dobra pasypcie ŭsio syram. Prypraŭcie sollu, piercam i muskatnym arecham.
- Vypiakajcie tart 10—12 chvilin abo pakul asnova nie stanie chrumstkaj, a syr nie pačnie iści bulkami. Vykładzicie tart na draŭlanuju došku i razrežcie jaho — možna vykarystoŭvać dla hetaha nož dla picy.
Da tarta dobra pasuje zialonaja sałata.
Kamientary
a moža siońnia navat i zhatuju... biekonu niama, zatoje jość čyrvony syr. pryhoža budzie