Hety piroh z hrušami — sapraŭdnaja italjanskaja kłasika. Vykarystoŭvajcie dla jaho lubyja śpiełyja i pry hetym ćviordyja hrušy, padavajcie ž hatovy piroh z kubkam kavy ci z uźbitymi viarškami.
Fota: BBC Food
Kab zhatavać hrušavy piroh ź mindalom, vam spatrebicca:
- 200 hramaŭ muki
- 200 hramaŭ cukru + 1 stałovaja łyžka dla pakryćcia
- 200 hramaŭ raźmiakłaha masła + jašče troški, kab zmazać formu
- 4 jajki
- 1 čajnaja łyžka razrychlalniku
- 2 stałovyja łyžki małaka (tłustaha)
- 3 hrušy (abłupicie ich i dastańcie ź ich siaredzinki, miakać hruš tonka narežcie)
- 3 stałovyja łyžki mindalovych pialostkaŭ
- cukrovaja pudra
Padavać piroh možna z kremam šantylji. Dla jaho vam spatrebicca:
- 250 hramaŭ viarškoŭ 30% tłustaści
- 1 stałovaja łyžka prasiejanaj cukrovaj pudry
- 1 stručok vanili (abo 15 hramaŭ vanilnaha cukru)
- Vaźmicie formu sa zdymnym dnom dyjamietram 20 santymietraŭ, vyścielicie jaje papieraj dla vypiakańnia i naciarycie masłam. Razahrejcie duchoŭku da 180 hradusaŭ.
- Pakładzicie ŭ vialikuju misku muku, cukar, masła, jajki, razrychlalnik i małako. Uźbivajcie sumieś, pakul jana nie stanie kremavaj i adnastajnaj. Pierakładzicie jaje ŭ padrychtavanuju formu i raskładzicie źvierchu kołam narezanyja hrušy. Raźmiaščajcie ich ščylna, kab usim hrušam chapiła miesca. Pasypcie ŭsio mindalevymi pialostkami i cukrovaj pudraj.
- Vypiakajcie piroh 55—60 chvilin. Piroh budzie hatovy, kali jaho vierch nabudzie załacista-karyčnievy koler, taksama možacie ŭstavić u jaho centr zubačystku i dastać jaje — na joj nie pavinna być reštkaŭ ciesta. Pakińcie piroh astyvać u formie prykładna na paŭhadziny.
- Kali vy robicie krem šantylji, uźbivajcie razam viarški, cukrovuju pudru i vanil u vialikaj miscy z dapamohaj elektryčnaha ručnoha miksiera da stupieni miakkich pikaŭ.
- Dastańcie piroh z formy, pierakładzicie jaho na talerku i krychu prysypcie cukrovaj pudraj. Narežcie na kavałki i padavajcie z łyžkaj kremu šantylji.
Voś čamu karysna jeści jajki ŭkrutuju
Recept na vychadnyja. Faršyravanyja bakłažany — kłasičny italjanski sialanski recept
Recept na vychadnyja. Kieksy z malinami i biełym šakaładam — novy smak letniaha desiertu
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ6
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary