U stalicy źjavicca niezvyčajnaja skulptura, jakaja simvalizuje kłopat ab pryrodzie. Jaje ŭstaloŭvajuć pobač z novym biznes-centram na vulicy Daŭhabrodskaj, 16, pišuć «Minsk-Naviny».
Skulptura ŭ formie ruki pakul hatovaja nie całkam: zusim chutka jana budzie kłapatliva trymać dreva. Zroblenaja instalacyja pa zamovie ŭładalnika sietki juvielirnych kram Alaksieja Karahina. Pracu vykanała kamanda z troch čałaviek pad kiraŭnictvam uładalnika adnoj ź minskich majsterniaŭ Andreja Novika.
Dla stvareńnia tvora vyšynioj u 1,5 m vykarystoŭvali pienapłast, jaki pakryvaje 5-milimietrovy płast škłapłastyku. Za tryvałaść materyjału adkazvaje ščylnaje škłovałakno, za fakturu kamienia — napaŭnialnik z marmurovaj kroški, a złučalnym źvianom vystupiła nie mieniej tryvałaja poliefirnaja smała z zahuščalnikam.
— Padčas rabot my zamovili vyrazki palcaŭ z vysokaporystaha i ščylnaha pienapłastu, — raspaviadaje Novik. — Na zavodzie rezka dastupnaja tolki ŭ dvuch płoskaściach, tamu zahatoŭki pryjšłosia abtočvać, skruhlać i vyrazać formu, stvarać kontur kucikuły i paznohciaŭ. Tačyć pienapłast — praca nie ź lohkich, vielmi šmat pyłu i śmiećcia.
Asnova skulptury ŭ niekalki płastoŭ nasyčanaja śpiecyjalnym sastavam i praklejenaja skotčam, kab smała nie raźjeła materyjał. Kab palcy tryvała siadzieli ŭ bietonie, im patrebny karkas — jaho zvaryli z armatury.
— Skulptura dla horada pavinna vytrymlivać usie ŭmovy nadvorja, — kaža Andrej Novik. — Farba nie padychodziła, tamu ŭ jakaści pakryćcia była vykarystanaja smała, ale ŭžo kaleravanaja ŭ bieły koler. Jaje lohka myć. Usiaho pajšło 100 kh lipkaj masy, na mantažnyja raboty ŭ kamandy pajšło 2 dni.
Darečy, ideja nie novaja — padobnaja skulptura ź bietonu pad nazvaj The Caring Hand («Kłapatlivaja ruka») ustalavanaja ŭ 2004 hodzie na ŭschodzie Šviejcaryi ŭ horadzie Hłarus.
Čytajcie taksama:
U centry Homiela pastavili skulpturu «Katrynščyk»
-
Śviatłana Cichanoŭskaja: Amierykanski trek vyzvaleńnia palitviaźniaŭ praciahvajecca, Tramp staviŭ zadaču viarnuć 1 300 čałaviek
-
U 100 hadoŭ pamierła dačka žančyny, jakaja nibyta vyšyła arnamient dla ściaha BSSR. A baćka jaje zahinuŭ padčas stalinskich represij
-
Śviatłana Cichanoŭskaja naviedała fest Tutaka FOTY
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary
vuhlevadarody ž nieadnaŭlalnyja resursy... byccam by